Amos 1:2 - Syin Chin Bible

² Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Amos 1:2 Iomraidhean Croise

Psalm Late 29:4

Topa awnging sia a thahatna le vaang theampo taw kidim hi.

Psalm Late 46:6

Minamte lau uh a, kumpi ngam liinglawng hi. Pathian aw ngingin, tuaciang leitung tuitham hi.

Paunakte 20:2

Hong ngalh tawpi khat na kiitak tu bangin a thin uuk kumpipa khat kiita in; ama thin uuksakna in eima le eima kithalupna hi.

Isaiah 33:9

Leitang kinusia cip in a awng thongin om hi. Lebanon ngam duisung ah thingte ngeau zo in, Sharon leipha kuam sia sennealngam bang hi a, Bashan ngam le Carmel mual tungah thingkungte a tee pul uh hi.

Isaiah 35:2

Sennealngam in lasa in, lungdam in au tu hi; Tuasia in Lebanon mualte bangin et hoi a, Carmel le Sharon lote bangin lei pha tu hi. Mihing theampo in Topa ii a nasiatna, a letna le a vaangletnate mu tu uh hi.

Isaiah 42:13

Topa sia ngalhang pa bangin ngalsim tu in kuan hi; Ama sia ngal do tu lawpin kinging hi. Ama in ngal phawngin au a, hanla sam hi; Ama in a ngalte tungah a vaangletna lak hi.

Jeremiah 12:4

Ih ngam sia bang tanvei kongaw tu a, lo theampo sungah lopate bang tanvei kongaw tu ziam? Nganhingte le vacimte thi dektak uh hi, banghang ziam cile ih mite ii seksolna hang hi a, ih mite in ‘Pathian in ih sep ih vawtte hong mu ngawl hi’ a ci uh hang ahi hi.”

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Jeremiah 25:30

“Jeremiah awng, ka son theampo nangma in taangko tu ni hi. Hi mihingte tungah, ‘Topa in vantung panin hawk tu a, vantung a saangna panin vanto tu hi. Ama in a mite hawksan tu a; sapitnga a cilpa khat bangin ama au tu hi. Leitung ah a om theampo in ama aw za tu a,

Jeremiah 28:8

Nang le kei ii om hun ma in a om, taanghlai a thuson kamsaangte in minam tam mamate tung le a thahat a kumpi ngamte tungah ngal, kialpi le natna theng tu hi ci in sonkhol zo uh hi.

Jeremiah 50:19

Israel mite a ngam ah ka teangsak kik tu hi. Amate in Carmel mual tung le Bashan ngam sungah a ciin ante ne tu uh a, Ephraim le Gilead ngamte sungah a piang ante theampo a du bangin in ne tu uh hi.

Hosea 11:10

“A ngalte tawpi bangin ka hawksan ciang ka mite in kei hong zui tu hi. Amate in nitumna sang pan kei kung manlang takin hong zuan tu uh hi.

Hosea 13:8

A note a bosua vompui khat bangin note kong sim tu a, kong baltham tu hi. Tawpi khat bangin thakhatin kong ne tum paih tu a, ngamsa khat bangin kong balneen tu hi.

Joel 1:19

Topa awng, nang kong ausan hi, banghang ziam cile mei ii halthap bang keakin nganthana le thingkungte kongaw hi.

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 3:16

Zion mual pan Topa hawk hi; Jerusalem pan a aw vanto bangin nging a; van le lei liing hi. Ahihang ama in a mite sungsia tu hi.

Amos 9:3

Carmel mualdawn ah a buu hial uh zong amate ka zong tu a, ka man tu hi. Kei kung pan tuipi taw ah a buu hial uh zong tuipi nganhingpui in ka petsak tu hi.

Nahum 1:4

Ama in tuipi thupia a, tuasia kang hi! Ama in ngunte kosak ngiungeu hi. Bashan lote vulin, Carmel mual sia ang a, tuaciang Lebanon paakte vul hi.

1 Samuel 25:2

Tua munah Caleb ii phung sung pan Nabal a ci pasal khat om hi, ama sia Maon khua pan hi a, Carmel khua hui ah leitang nei hi. Ama sia a hau mama pa khat hi a, tuu 3,000 le keal 1,000 nei hi. A zi Abigail sia a mealhoi in pil hi, ahihang a pasal sia a iiciil a thin tom khat hi. Carmel khua ah Nabal in a tuute mul meet in om a,