Amos 1:12 - Syin Chin Bible

¹² Tua ahikom Teman khuapi tungah meikuang ka khiak tu a, Bozrah kulhpite ka haltum tu hi,” ci hi.

Amos 1:12 Iomraidhean Croise

Isaiah 34:5

Topa in vantung ah a namsau kinging khol zo a, tu in suksiat tu a see sa Edom mite saat tu hi.

Isaiah 34:6

Topa namsau sia amate ii a chi le a thau taw kituam tu a, biakpiakna in a kinei tuu le kealte ii chi le thaute taw kibang tu hi. Topa in hi biakpiakna sia Bozrah khuapi ah pia tu hi; ama in hisia Edom ngam sungah kithalupna lian mama khat suaksak tu hi.

Isaiah 63:1

“Edom ngam Bozrah khuapi pan hong pai hisia pa akua ziam? Puansan silhin pha tak a kizeam, vaangletna le thahatna taw hong pai hisia pa akua ziam?” “A hun zo tu in vaangletna a nei, ama ngalzawna thu thangsak tu in hong pai, Topa ahi hi.”

Jeremiah 49:13

Bozrah khuapi sia a lipkhaphuai mun le senneal ngam suak tu hi ci in keima mama in ka kiciam zo hi; mihingte in tua khua sia ciammuina in nei in, a min sia kihaamsiatna in zangh tu uh hi. A nai a om khuanote theampo a tawntungin kisiacip tu hi. Keima, Topa in ka ci zo hi.”

Jeremiah 49:20

Tua ahikom Edom mite suksiat natu ka tupna le Teman khuapi mite tungah vawt tu ka tupnate ngai vun. A patangte uh ngawngawn kikaikeak tu a, a kuama po liinglawng tu uh hi.

Jeremiah 49:22

Muvanlai in a tha phalhin a suktun taw kibangin ngalte in Bozrah sim tu hi. Tua ni in Edom ngalkapte sia nausuak tu a tun numei bangin thin patau in om tu uh hi,” ci hi.

Jeremiah 49:7

Vaanglianbelpa Topa in Edom te ii thu hi bangin son hi: “Edom mite in a thumaan a khen thei na sia bosua zo ziam? Ngaisutna a pia theite in a vawt tu bangin son thei nawn ngawl ziam? A pilna theampo bosua zo ziam?

Ezekiel 25:13

Tu in ka taangko na ah Edom daan ka pia tu a, tua munah mihing le nganhing theampo ka that tu hi. Teman khuapi pan Dedan khuapi dong lei awng thong ka suaksak tu a, a mite ngal sungah kithatlum tu uh hi.

Obadiah 1:1

Hi sia in Obadiah ii kamsaanna — Edom ngam taw kisai Vaanglianpipa, Topa ii thusonte ahi hi. Topa in a kamtaipa minam tuatuamte kungah paisak zo a, tuaciang eite in ama ii thupiakna ih za zo hi: “Kithoai vun! Edom sim tu in kuan tek tawng!” ci hi.

Habakkuk 3:3

Edom panin Pathian hong pai kik tu hi; Paran mualte pan a thiangtho Pathian hong pai tu hi. A hoina in vantungte siin a; leitung in ama pokna taw kidim hi.