Amos 1:1 - Syin Chin Bible

¹ Hite sia Tekoa khua pan tuu cingpa khat ahi Amos ii kammalte ahi hi. Judah kumpi in Uzziah maang a, Israel kumpi in Jehoash tapa Jeroboam a khan hun, zinliin ma kum nii lai in, Pathian in Amos tungah Israel huvau hi thute theampo lak hi.

Amos 1:1 Iomraidhean Croise

2 Samuel 14:2

tua ahikom ama in nupi pilvang khat Tekoa ah a teang sia samsak hi. Ama hong thet ciang Joab in ama munah, “Kikhuangaisak in; na khuangai puante silh in a, na sam pot heak in. Khuangei mama khuangai in a omsa nupi khat bangin kithoai in.

1 Kumpite 19:19

Elijah in tua mun nusia in a pai le Elisha sia khui kap taw lotho in a om mu hi; ama mai ah kap sawm le kap khat om a ama sia a khakbel kap sia taw lotho hi. Elijah in a puantual suut a Elisha silhsak hi.

2 Kumpite 14:21

Judah mite in a tapa kum sawm le kum luk a pha Uzziah sia kumpilukhu khusakin kumpi suaksak hi.

2 Kumpite 14:23

Judah te kumpipa Joash ii tapa Amaziah maan zawk a kum sawm le kum nga kum in Jehoash ii tapa Jeroboam sia Israel te ii kumpipa suak hi, tuaciang ama in Samaria pan kum 41 sung uk hi.

2 Khangtaanghthu 11:6

Bethlehem, Etam, Tekoa,

2 Khangtaanghthu 20:20

A zing ciang zingtuungin mihonte Tekoa hui ngamsung zuan uh hi. A vaidin uh ciang Jehoshaphat in amate tungah kam vaitha hi: “Judah mite le Jerusalem mite awng! Topa na Pathian muang vun, tua hile kip takin na ding thei tu uh hi. Ama kamsaangte ii hong sonte um vun, tua hile na ma na tun tu uh hi.”

Pusuana 3:1

Moses in Midian thiampi, a sunghpa Jethro ii tuu le kealte cingin a om laitak ni khat ni in a ngannote sennealngam kaantanpui in mual thiangtho Sinai theng hi.

Isaiah 1:1

Hi laibu sungah, Amoz ii tapa Isaiah tungah Judah kumpite ahi Uzziah, Jotham, Ahaz le Hezekiah te hun lai in Judah le Jerusalem huvau Pathian pualaak thute kihel hi.

Jeremiah 1:1

Hi thubu sia Benjamin ngam sungah a om Anathoth khua pan thiampite khat ahi, Hilkiah ii tapa Jeremiah ii thu sonte a kitepteena ahi hi.

Jeremiah 28:8

Nang le kei ii om hun ma in a om, taanghlai a thuson kamsaangte in minam tam mamate tung le a thahat a kumpi ngamte tungah ngal, kialpi le natna theng tu hi ci in sonkhol zo uh hi.

Jeremiah 6:1

Benjamin mite awng, na kihuuk natu uh in tai vun! Jerusalem khua panin kisuatak tavun! Tekoa khua ah lemle tum vun a, Beth Haccherem khua ah kiheaksakna mei thut vun. Tuasiatna le suksiatna sia saksang pan hong pai tu hi.

Jeremiah 7:27

“Tua ahikom, Jeremiah awng, ka mite tungah hi thute theampo son tu ni hi, ahihang amate in hong ngai ngawl tu uh hi; amate na sam tu a, ahihang hong zo ngawl tu hi.

Hosea 1:1

Hisia in Kumpi Uzziah, Jotham, Ahaz le Hezekiah te Judah ngam ah kumpi in a maan hun le Jehoash tapa Jeroboam Israel kumpi in a maan hun a, Beeri tapa Hosea tungah Topa ii piak thupuak ahi hi.

Amos 7:14

Amos in, “Kei sia sum thangaina taw kamsaang nam ka hi bua hi. Keima in ngancingpa khat ka hi a, theikungte ka keamcing hi.

Micah 1:1

Judah kumpite ahi Jotham, Ahaz le Hezekiah te ii maan laitakin Moresheth khua mi Micah tungah Topa in hi thupuak pia hi. Samaria le Jerusalem taw kisai in Micah tungah Topa in hi thu teng pualaak hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Matthew 4:18

Galilee tuili hui ah a va laitakin, Jesus in ngasa mante ahi unau nii Simon (Peter kici) le a suapuipa Andrew, tuili sungah ngeen khat taw ngasa manin a om mu hi.

1 Corinth te 1:27

Pathian in mihing ciimte maizumsak natu in, leitung mite ii lui thawthong a sakte teal a, mihing thahatte a maizumsak natu in, leitung mite ii thazawm a sakte teal luih hi.