2 Samuel 7:9 - Syin Chin Bible

⁹ Na paina po ah nang taw kong omkhawm a, maisang na manaw ciang na ngalte theampo ka zo siat hi. Leitung ah lampui lianbel te bangin kong minthangsak tu hi.

2 Samuel 7:9 Iomraidhean Croise

Pianciilna 12:2

Suan le paal tam mama kong pia tu a, amate minam lian khat suak tu uh hi. Nang sia thupha naak na hi natu in, thupha kong pia tu a, na min kong thangsak tu hi.

2 Samuel 22:1

Topa in David sia Saul le a ngal dangte kung panin a hutkhiat ciangin David in Topa tungah hi la a sak hi.

2 Samuel 22:30

Ka ngalte ka sim natu in thahatna nong pia a, amate kihuuknate ka zaw zawk natu in vaangletna nong pia hi.

2 Samuel 22:43

Amate ka sucip a, leivui bang suak uh hi; lampi ah a om buan bangin amate ka tuanhcil hi.

2 Samuel 23:1

Jesse ii tapa, David sia Pathian ii mi thupi tu in a vawt, Jacob te ii Pathian in kumpipa tu in a teal hi a, Israel atu in la hoite a phuakpa ahi hi. Hi teng sia David ii a khakbel a pau kammalte ahi hi:

2 Samuel 5:10

Ama thahat vaial tawntung hi, banghang ziam cile Vaanglianbelpa Topa Pathian ama taw omkhawm hi.

2 Samuel 8:13

Ci Kuam sungah Edom mite 18,000 a thalupna pan a cia kik ciang David minthang zawkan hi.

2 Samuel 8:14

Ama in Edom ngamsung theampo ah ngalkap phualte saat a, tuaciang tua munah a om mite ama ii khutnuai mi suak uh hi. Topa in David mun theampo ah ngal zosak hi.

2 Samuel 8:6

Tua zawkciang ama in amate ngam sungah ngal ngiaphualte saat a, amate sia a khutnuai mite hong suakin, shia pia uh hi. Topa in David sia mun theampo ah ngal zosak hi.

1 Khangtaanghthu 17:8

Na paina theampo ah kong ompui a, na mai ah na ngal theampo kong zawsak hi. Leitung ah lampui lianbelte bangin na min kong thangsak tu hi.

Psalm Late 21:6

Na thuphate ama tungah a tawntungin om a, na ompuina hu in ama sia lungnopna taw kidim hi.

Psalm Late 89:23

A ngalte ka sucip tu a ama a ensan theampo ka that tu hi.

Luke 1:52

Ama in kumpi liante a tokhum uh panin khiasuk a, a niamte laamto hi.

Joshua 6:27

Tuabangin Topa sia Joshua taw omkhawm a, ama ii minthanna sia ngam bup ah kizel hi.

1 Samuel 18:14

tuaciang a sim theampo zo hi, banghang ziam ci le Topa in ama ompui hi.

1 Samuel 18:30

Philistine ngalkaphonpite hong pai in sim bul hi, ahihang kidona theampo ah David sia Saul ii ngalkap mang dangte sangin ngalzo thei zaw hi. Ta sia taw kizui in David hong minthang mama hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.

1 Samuel 31:6

Tuabangin Saul, a tapate thum le tangvalpa thi uh hi; Saul ii mite theampo tua ni in thi siat uh hi.

1 Samuel 5:10

Tua ahikom amate in Thuciamna Thingkuang sia Ekron a kici Philistine te khuapi dang khat ah puak uh hi; ahihang tuasung a thet ciang, mihingte au keak in, “Israel te ii Pathian ii Thuciamna Thingkuang sia amate in ei theampo hong thalup natu in hi sung hong then hi!” ci uh hi.