2 Samuel 7:8 - Syin Chin Bible

⁸ “Tua ahikom ka naseampa David munah na son in a, Kei, Vaanglianbelpa Topa in, ‘Lo sungah tuu cingin na omna panin nang kong la a, Israel ka mite a uk pa kong suaksak hi.

2 Samuel 7:8 Iomraidhean Croise

2 Samuel 12:7

“Nangma tuasia pa ni hi,” Nathan in David munah ci hi. “Tuaciang hisia Israel ii Topa Pathian in ci hi: ‘Saul khut sung pan kong suatak a, Israel kumpipa kong suaksak hi.

2 Samuel 6:21

David in, “Na pa le ama ii bangkua taangin Israel lampui tu in kei hong teal, ka Topa ka patoaina in laam khi hi,

1 Khangtaanghthu 17:7

“Tua ahiciangin ka naseampa David tungah keima Vaanglianbelpa Topa in hi bangin ka ci sia va son ta'n, ‘Lo sung na tuu cinna panin nangma kong la a, ka Israel mite ukpa kong suaksak hi.

1 Samuel 10:1

Tua zawkciang Samuel in olive thau thawl khat la a, Saul lu tungah buakin ama a nap zawkciang, “Topa in a Israel mite uk tu in nang sathau hong noai hi. Ama mite nangma uk in, a ngalte theampo kung panin amate na hung tu hi. Tuaciang Topa ii a mite a uk tu nang hong teal takpina sia hi bangin kilak tu hi:

1 Samuel 9:16

“Zing ciang tubang hunin Benjamin nam mihing khat na kungah hong puak tu khi hi, ka mi Israel te a ukpa tu in sathau na noai in, tuaciang ama in amate sia Philistine te khut sung pan suatak tu hi. Ka mite thuakna ka mu zo a, hu ngenin a auna ka za zo hi,” ci hi.

Sawltakte 7:46

Ama in Pathian maipha nga a, Jacob ii Pathian inn tu khat a sak thei natu in Pathian tungah ngen hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.

2 Samuel 23:1

Jesse ii tapa, David sia Pathian ii mi thupi tu in a vawt, Jacob te ii Pathian in kumpipa tu in a teal hi a, Israel atu in la hoite a phuakpa ahi hi. Hi teng sia David ii a khakbel a pau kammalte ahi hi:

2 Samuel 24:17

David in mite a that vantunglalang sia mu a, Topa munah, “A maw sia keima khi hi, a seam khialpa sia keima khi hi. Hi a khuangai huai mihingte in bang seam thong na ziam? Keima le ko innkuan daan nong piak tu hi zaw khu hi,” ci hi.

1 Kumpite 3:6

Solomon in, “Nangma in ka pa David, na naseampa sia itna lianpi na lak tawntung hi, tuaciang ama pha a, thutakin nang taw a kizopna sungah thumaan hi. Tuaciangin ama panmun ah tu ni in ngam a uk nangma in a kizom paisuakin tapa khat na piakna taw a lian na itna kip na lak hi.

1 Kumpite 8:16

‘Egypt ngam panin ka mite ka paipui hun pan kipan, Israel ngam bup sungah kei hong kibiak natu in biakinnpi sak natu khuapi khat zongh ka teal bua hi. Ahihang, ka mite uk tu in David nang kong teal hi,’ ” a ci hi.

1 Khangtaanghthu 21:17

David in, “Pathian awng, a khial sia keima khi hi. Misim natu thu a pia sia keima khi hi. Hi mizawngte in bang vawt nei na ziam? Topa ka Pathian awng, keima le ka innkuanpuite daan hong pia ta'n a, na mite khoaikhe in,” ci in thungen hi.

2 Samuel 5:2

A bosa hun sung Saul sia ih kumpipa ahi lai ngawngawn in, nangma in Israel mite ngal kidona sungah na lampui a, tuaciang Topa in na mite na lampui natu le a ukpa na sua natu kamciam hong pia hi,” ci uh hi.

2 Samuel 14:13

Nupi nu in ama munah, “Banghangin Pathian mite tungah tuabang khialna vawt ni ziam? Nangma zongh na tapa sia lei dangah a peamna pan cia kiksak ngawl ni hi, tua ahikom tu mahiat a na pau teng taw nangma le nangma mawpu kisua ni hi.

Amos 7:15

Ahihang Topa in ka tuucin nasepna pan hong la in, a Israel mite kungah pai a, mukholna son tu in thu hong pia hi.