2 Samuel 5:3 - Syin Chin Bible

³ Tuabangin Israel lampui theampo David Kumpipa kung Hebron ah hong pai uh hi. Ama in amate taw a thiangtho kipawlpuina vawt a, amate in ama sathau noai in, Israel kumpipa suak hi.

2 Samuel 5:3 Iomraidhean Croise

2 Samuel 2:4

Tua zawkciang Judah pan a mite Hebron ah hong pai in David sia Judah kumpipa tu in sathau noai uh hi. Gilead ngamsung Jabesh mite in Saul luang a phum sia David in a zaak ciangin,

2 Samuel 2:7

Hat vun a, hang vun! Noma kumpipa Saul thi zo a, Judah mite in kei sia a kumpipa ci in sathau hong noai zo hi.”

2 Samuel 3:21

Abner in David munah, “Tu in ka na pai tu a, Israel buppi kumpipa nangma sangah kong pangsak tu hi. Amate in nang sia kumpipa in hong saang tu hi, tuaciangin nangma in na dei teng na nga siat tu a, ngam buppi na uk tu hi” ci hi. David in Abner sia ngammuan natu thukho khat pia in paisak hi.

1 Kumpite 1:34

tua munah Zadok le Nathan in Israel kumpipa tu in sathau noai tahen. Tua zawkciang lemle tum vun a, ‘Solomon kumpipa a khansau tahen!’ ci in au vun.

2 Kumpite 11:17

Thiampi Jehoiada in Kumpipa Joash le mipite, Topa ii mite a sua natu in Topa taw thuciamna vawtsak hi; ama in kumpipa le mipite kilaklaw ah zongh thuciamna vawtsak hi.

1 Khangtaanghthu 11:1

Israel mite theampo David omna Hebron ah pai in ama tungah “Ko sia nangma ii chi le na sa ka hi uh hi.

1 Khangtaanghthu 11:3

Tua ahikom, David kumpipa omna Hebron ah Israel lampuite theampo pai uh hi. Ama in amate taw Pathian mai ah a thiangtho kipawlna khat vawt hi, Samuel tungtawn a Topa ii kamciamsa om bangin amate in David sathau noai in Israel kumpi suaksak uh hi.

1 Khangtaanghthu 28:4

Topa Israel te ii Pathian in Israel a uk tawntung tu in keima le ka suan ka paalte hong teal hi. Ama in a lampui tu in Judah nam teal a, Judah nam sung pan ka pa teal hi. Tua innkuan bup sung pan ama uuk bangin kei hong laa a, Israel ngam theampo a uk kumpi hong suaksak hi.

2 Khangtaanghthu 23:16

Thiampi Jehoiada in Joash kumpipa le mipite ama taw kingawm in Topa mi ahi natu in thuciamna khat vawt hi.

Nehemiah 9:38

Hi thupiangte theampo hangin ko Israel mite in ciliap huai takin thukimna lai khat ka vawt uh a, tuaciang koma ii lampuite, Levi te le thiampite in tua lai tungah a tazeik uh tum hi.

Pusuana 3:16

Pai in a, Israel lampuite kaikhawmin, Keima Topa a taanghpupite ii Pathian, Abraham, Isaac le Jacob te ii Pathian in note mai ah hong kilangh ka hi sia amate tungah son in. Amate kungah ka pai zo a, Egypt te ii amate tungah a vawtna teng ka mu hunlam amate son in.

Joshua 10:36

Hisia zawkciang Joshua le a ngalkaphonpi Eglon panin mual tungah kaato in Hebron sim uh a,

Thukhente 11:11

Tua ahikom Jephthah sia Gilead lampuite taw tonkhawm a, mipite in ama sia lampuipa le a ukpa in koi uh hi. Jephthah in Mizpah khua Topa mai ah a deina teng son hi.

1 Samuel 11:15

Tua ahikom amate Gilgal ah pai siat a, tuasung mun thiangthona ah Saul sia kumpipa hi ci in thangsak uh hi. Amate in pawlkhop sangaw biakpiaknate pia in, Saul le Israel mite theampo tua thu huvau in poai khaam uh hi.

1 Samuel 16:13

Samuel in olive thau la in a suapuite mai ah David sathau noai hi. Thakhat ma in Topa thaa in David uk a, tua ni pan kipan ama taw omkhawm top hi. Tua zawkciang Samuel sia Ramah ah heak kik hi.

1 Samuel 23:18

Amate nii khat le khat kilawmtatna in a thiangtho kamciam kipia hi. David sia Horesh ah taamin, Jonathan inn ah cia hi.