2 Samuel 2:9 - Syin Chin Bible

⁹ Tua sungah Abner in Ishbosheth sia Gilead, Asher, Jezreel, Ephraim le Benjamin ngam teng ii kumpipa in koi a, a tatakin Israel ngam buppi uk hi.

2 Samuel 2:9 Iomraidhean Croise

Pianciilna 30:13

Leah in, “Bangza in ka lungdam ziam! Tu in, numeite in a lungdam nu hong ci tu hi,” ci a, tua ahiciang a min Asher phuak hi.

2 Samuel 2:10

Israel kumpipa in a kikoi hun in, ama sia kum 40 pha a, kum nii sung uk hi. Ahihang Judah nam in David tungah thumaan ahiciang,

2 Samuel 3:6

David ii ngalkapte le Saul ii bangkua tung a thumaan ngalkapte a kido tawto uh ciang, Saul ii nungzuite sung pan Abner hong thahat vaial hi.

Psalm Late 108:8

Gilead sia kei aa hi a, Manasseh zongh kei aa, ahi hi; Ephraim sia ka thik lukhu hi a, Judah sia ka kumpi ciangkhut hi.

Joshua 16:5

Ephraim innkuante ii ngam sia hisia ahi hi: a ngamngi paizia sia, Ataroth Addar pan nisuana sangah Beth Horon Tungnung ah,

Joshua 16:8

Ngamngi sia Tappuah pan nitumna sang Kanah lui ah pai in Mediterranean Tuipi ah tawp hi. Hi leitang sia Ephraim nam innkuante tan tu in kipia a,

Joshua 16:9

Manasseh ngamngite ii sungsang a om khuate le khuano pawlkhat taw kopin Ephraim te kipia khawm hi.

Joshua 17:1

Jordan ii nitumna sang leitang khen khat sia Joseph ii tapa lianzaw Manasseh suan innkuan pawlkhat tan tu in kipia hi. Gilead ii pa Machir sia Manasseh tapa lianbel hi a, ngalhang khat ahi hi, tua ahikom Jordan nisuana sang Gilead le Bashan sia ama kipia hi.

Joshua 18:11

Benjamin nam sung innkuan te ii neisa ngam sia a khatna in kipia hi. Amate ngam sia Judah le Joseph namte ii kilaklaw ah om hi.

Joshua 18:20

Jordan sia nisuana ngamngi hi. Hiteng sia Benjamin nam innkuante nga tu ngam ii ngamngite ahi hi.

Joshua 19:18

A ngam sungah Jezreel, Chesulloth, Shunem,

Joshua 22:9

Tua hi a, Reuben, Gad, le Nisuana Manasseh nam teng sia inn ah cia kik uh hi. Amate in Israel mi a taanglai teng sia Canaan ngam Shiloh ah nusia uh hi, tuaciang amate in Topa ii Moses tungah a thupiakna tungtawnin a laak sa Gilead ngam le lei zuan uh hi.

Thukhente 1:32

Asher mite in Canaan tualsuak mite notkeak ngawl ahikom amate taw teang khawm hi.

1 Samuel 29:1

Philistine te in a ngalkap theampo Aphek ah hong paipui uh hi, tua laitakin Israel te sia Jezreel Kuam sungah a om cik ah ngiaphual saat uh hi.