2 Samuel 2:8 - Syin Chin Bible

⁸ Saul ii ngalkaphonpi ukpa Ner ii tapa Abner sia Saul ii tapa Ishbosheth taw Jordan ngun kaantan in Mahanaim ah tai khawm hi.

2 Samuel 2:8 Iomraidhean Croise

1 Samuel 14:50

A zi sia Ahimaaz ii tanu Ahinoam hi; a ngalkaphonpi ukpa sia a pano Ner ii tapa, a suapui sealh Abner ahi hi.

Pianciilna 32:2

Jacob in amate a mu ciang ama in, “Hi sia in Pathian ii ngiaphual hi,” ci hi; tua ahiciang tua mun sia ama in Mahanaim naa hi.

1 Khangtaanghthu 9:39

Ner sia Kish ii pa hi a, Kish sia Saul ii pa hi. Saul in tapa li nei a: Jonathan, Malchishua, Abinadab le Eshbaal te ahi hi.

1 Khangtaanghthu 8:33

Ner sia Kish ii pa hi a, Kish sia Saul kumpipa ii pa hi. Saul in tapa li nei a: Jonathan, Malchishua, Abinadab le Eshbaal te ahi hi.

1 Samuel 26:14

Saul ii ngalkapte le Abner ama in oksan a, “Abner awng! Nong za thei ziam?” ci hi. Abner in, “Kumpipa phawng tu in a au sia akua ziam?” ci in dongh hi.

1 Samuel 17:55

Saul in Goliath taw kido tu in a pai David a mu ciang, a ngalkaphonpi ukpa Abner munah, “Abner awng, ama akua tapa ziam?” ci in dongh hi. Abner in, “Kumpipa awng, akua tapa ziam ngaisun zo ngawl khi hi,” ci in zo hi.

Joshua 21:38

Gad nam tung pan amate in khuapi li: Gilead pan Ramoth, a nganthana leitang taw (bukna khuapi khat) Mahanaim,

2 Samuel 2:7

Hat vun a, hang vun! Noma kumpipa Saul thi zo a, Judah mite in kei sia a kumpipa ci in sathau hong noai zo hi.”

2 Samuel 2:29

Abner le a mite sia Jordan Kuam dungah zankhua in pai uh hi; amate Jordan ngun kaantan in, a zingsang kik hunsung bup a pai suak zawkciang, Mahanaim theng kik uh hi.

2 Samuel 3:6

David ii ngalkapte le Saul ii bangkua tung a thumaan ngalkapte a kido tawto uh ciang, Saul ii nungzuite sung pan Abner hong thahat vaial hi.

2 Samuel 17:24

Absalom le Israel te ii Jordan ngun a kaantan hunin, David sia Mahanaim khua theng zo hi.

Pianciilna 32:3

Jacob in Edom ngam a om a suapuipa Esau kungah kamtaite paisak khol hi.

2 Samuel 3:38

Kumpipa in a uliante munah, “Tuni in Israel ngam sungah lampui lian khat thi ahi hunlam phawk ngawl nu ziam?