2 Peter 3:9 - Syin Chin Bible

⁹ Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.

2 Peter 3:9 Iomraidhean Croise

Psalm Late 77:8

Ama in eite hong it nawn ngawl ziam? A kamciamte kip nawn ngawl ziam?

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Pusuana 18:23

Pathian thupiak bangin, seam lete nangma zongh na thazawm ngawl tu hi, mihing theampo zongh a thu thiang in inn ah cia thei tu uh hi,” ci hi.

Pusuana 32:32

Nong hesuakna in a mawna maisak in; ahizong na maisak zo buatu le, na mite min na khumna laibu sung pan ka min hong phiat ta'n,” ci hi.

Pusuana 33:11

Ngualtamh khat thuson tu bang keakin maitang kisi a Topa in Moses paupui hi. Tuaciang Moses ngiaphual ah heak kik hi. Ahizong Nun ii tapa, ama a hu, tangvalpa Joshua sia Puanbuk sungah om lai hi.

Pusuana 34:6

Topa in Moses mai kaantan a, tuaciang ama samin, “Keima in mulkimna le hesuakna taw a kidim Topa Pathian khat ka hi hi, ka thin uuk hakin, itna lian le thumaanna a lakpa ka hi hi.

Thuhilsya 8:11

Banghangin mihingte in ol vazeang in khutkhial ziam? Banghang ziam cile khut khialna sia man lalang in daan a kipiak ngawl hang ahi hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Daniel 4:29

Tha sawm le tha nii bek zawkciang, ama ii Babylon kumpi inn khuvum tungah a va kawkoai kawmin,

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Romete 13:11

Hisia na vawt uh kul hi, banghang ziam cile, na mutna uh panin, na khanlaw natu a hun cing zo hi, ci in na he uh hi. Ih upciil lai sangin tu in ih kingup natu naizaw zo hi.

Romete 13:12

Zan hun bo dek zo a, sun hun hong theng dektak zo hi. Khuazing taw a kisai nate ih sepna panin tawp tawng; khuavak sungah kidona ngalvanhte zamh tawng.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Romete 9:22

Pathian nasepna zongh tuasia bangma ahi hi. Ama in a thin uukna lak nuam a, a vaangletna kihesak nuam hi. Ama a thin a uuksak, lalcipna sung a theng tu mihingte thinsauna tatak taw thuak hi.

1 Timothy 1:16

ahihang nungsang ciangin ama umin tawntung nuntakna a saang tute ii a ettee tu in, kei a mawbelpa tungah Jesus Christ in thinsauna a cingin hong lak thei natu, Pathian in kei hong hesuak hi.

1 Timothy 2:4

mihing khat sim ngupna nga a, thumaan thutak a heak tu sia Pathian in dei hi.

Hebrew te 10:37

Banghang ziam cile laithiangtho in, “Tawmvei zawkciang, hong pai tu pa hong pai tu hi; ama haisaang ngawl tu hi.

1 Peter 3:20

Hi thaa te sia Noah ii teambaw a sak lai hun a, Pathian ii thin uai takin a ngak, Pathian thu a ni nuam ngawlte ii thaa te ahi hi. Teambaw sungah mihing tawmno — a vekpi in liat bek — tui in laamto in suaktasak hi,

2 Peter 1:4

Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.

2 Peter 3:15

Ih Topa thin sauna sia ngupna na nga natu in, hunpha hong piakna hi ci in ngaisun tavun. Tua in Pathian piak ciimna zanghin ih it suapui Paul ii hong laithak bangma ahi hi.

Thupualaakna 2:21

A mawnate a kisiik kik natu hun pia ka hi hang, ama in paktatna pan, kikheal nuam ngawl hi.