2 Peter 3:2 - Syin Chin Bible

² Taanghlai in a thiangtho kamsaangte sonnate le noma ii sawltakte tung pan na nga uh Topa le Hunpa thupiak sia na teptee tu ka dei hi.

2 Peter 3:2 Iomraidhean Croise

Luke 1:70

Taanghlai in a kamsaang thiangthote tungah,

Luke 24:27

Jesus in ama huvau Moses ii laibute pan a kipan kamsaangte lai at theampo dong Laithiangtho a vekpi sungah a kison teng sonthiang hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

Sawltakte 10:43

Kamsaang theampo in ama huvau sonsiat uh hi. Ama a umte theampo mihing sim in ama min vaangletna taw a mawnate kimaisak tu hi ci in son uh hi,” ci hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Sawltakte 3:18

Pathian in nidang lai pekin, kamsaang theampo ii muk panin, Messiah in a thuak kul tu hi, ci in a thu thangsak khol zo hi; tuaciang hi bangin tungsak hi.

Sawltakte 3:21

Pathian kamsaang thiangthote ii khuangei hunlai a, a sonkhol sa bangma in, na theampo a kithaksua siat dong, ama in vantung ah om hamtang tu hi.

Galatia te 6:2

Khat le khat vanhngitte na kidawn tavun, tuabangin Christ ii thukham na zui tu uh hi.

Ephesus te 2:20

Note zongh, sawltakte le kamsaangte ii cian phungkawng tungah a kisate na hi uh a, tua phungkawng, innking suangpi sia Christ Jesus ahi hi.

Ephesus te 3:5

Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi.

1 Timothy 6:14

ih Topa Jesus Christ hong kilak kik Ni matengin, nang hong thupiaknate zui in thumaanna taw na keamcing in.

2 Peter 2:21

Amate tungah a kipia a thiangtho thupiakna pan a pial uh sangin, a heak uh thutang lampi sia he ngei phot buazaw le, amate atu phazaw lai tu hi.

2 Peter 3:15

Ih Topa thin sauna sia ngupna na nga natu in, hunpha hong piakna hi ci in ngaisun tavun. Tua in Pathian piak ciimna zanghin ih it suapui Paul ii hong laithak bangma ahi hi.

2 Peter 3:16

A laithak theampo sungah tua thulu taw kisai in a at ciang a son thu in hi thu ahi hi. Ama laithakte sungah thu haksa pawlkhat om a, tuate sia heakna nei ngawlte le, kip takin a ding ngawlte in ahi ngawl lalam in son a, Laithiangtho hilna dangte zongh tuabangin son thei uh hi. Tuabangin amate le amate kilalsua uh hi.

1 John 4:6

Ahihang ei sia Pathian neisa ih hi hi. Pathian a he peuma in ei thuson hong ngai hi. Pathian neisa ahi ngawl peuma in ei thuson hong ngai bua hi. Tua ahiciang thumaan thutak ii Thaa le a maan ngawl thaa kilamdanna sia, tu sia panin ih khentel thei hi.

Jude 1:17

Ahihang lawmte awng, a bosa hun sungah ih Topa Jesus Christ sawltakte ii hong son thute na phawk tavun.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.