2 Peter 3:16 - Syin Chin Bible

¹⁶ A laithak theampo sungah tua thulu taw kisai in a at ciang a son thu in hi thu ahi hi. Ama laithakte sungah thu haksa pawlkhat om a, tuate sia heakna nei ngawlte le, kip takin a ding ngawlte in ahi ngawl lalam in son a, Laithiangtho hilna dangte zongh tuabangin son thei uh hi. Tuabangin amate le amate kilalsua uh hi.

2 Peter 3:16 Iomraidhean Croise

Pianciilna 49:4

Nang in tuipawm khat taw na kibang a, Ahizong a thupibel na hi buatu hi, Banghang ziam cile ka zino na luppui a, na pa ii lupna na paksak hi.

1 Kumpite 10:1

Sheba kumpinu in Solomon minthanna za a, tuaciang thudokna haksa pawlkhat taw ama ze et tu in Jerusalem ah haw hi.

Psalm Late 56:5

Ka ngalte in nitangtumin ngim hong pia hi; kei hong liamsua natu in amate in ngeal tawntung hi!

Pusuana 23:2

Mihing a tamzawte ii khialna a vawt ciang le thutang khenna pan lam a pialsak tetti a pan ciang amate zui heak vun.

Pusuana 23:6

“Mizawng khat thukhenzum a thet ciang thutang khenna taansak heak vun.

Jeremiah 23:36

Tua ahikom amate in ‘Topa ii Vanhngit’ ci kammalte zangh nawn ngawl tu uh hi, banghang ziam cile khat pawpo in a zangh ahile, ka thupuak sia ama atu in vanhngit takpi khat ka suaksak tu hi. Mihingte in amate ii Pathian, a nungta Pathian, Vaanglianbelpa Topa ii kammalte lumlet uh hi.

Habakkuk 1:4

Upadi in thu nei zo ngawlin a luithawthong suak a, thutangin thu a kikhen bua hi. Thutang khenna thute kileekai in misia te in thutang mite zo zawsap hi.

Matthew 15:3

Jesus in, “Tua ahile Pathian thupiakte banghang ni ngawlin, noma phuatawm kihilnate zui nu ziam?

Matthew 15:6

a pa zatak vawt kul nawn ngawl hi, ci in thuhil nu hi. Hi bangin noma le noma na kihilna te na zui uh ciangin, Pathian thupiaknate paltan na hi uh hi.

Matthew 22:29

Jesus in, “Pathian ii vaangletna le Laithiangtho na heak ngawl uh hu in bangza in khial nu ziam!

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

Hebrew te 5:11

Hi thu tungtaang son tu tam mama om hi. Ahihang no tungah son tel thei tu haksa hi. Banghang ziam cile note in thu na tel hak mama uh hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

2 Peter 2:14

Amate in numei paktatte simngawl a dang en nuam ngawl hi; a maw nopna bo ngeingawl hi. Amate in a tha zawm mite sia thaang sung zotpui uh hi. A thinsung uh ah duhop natu a sin ahi uh hi. Amate sia Pathian haamsiatna nuai ah om uh hi!

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

2 Peter 3:2

Taanghlai in a thiangtho kamsaangte sonnate le noma ii sawltakte tung pan na nga uh Topa le Hunpa thupiak sia na teptee tu ka dei hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.