2 Peter 3:11 - Syin Chin Bible

¹¹ Hite theampo tuabangin kilalcipsak tu ahile no sia bangbang mihingte na hi tu uh kisamh tu ziam? Na nuntakna uh sia thiangtho tu a, Pathian atu in a ki aaptuam nuntakna hi tu hi,

2 Peter 3:11 Iomraidhean Croise

Psalm Late 37:14

A zawngte le a cimawte thatlum nuam a, a maan na a seamte thatlum nuamin, mihing seksolte in a namsau dokin a thal uh keak uh hi;

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Psalm Late 75:3

Bitphua sa a nungta theampo liingin leitung mama a ngawk zongin a tawdapte a kho in ka koi tu hi.

Isaiah 14:31

No Philistine khuapi theampo awng, huna ngenin kapin au vun! Na vekpi uh in lauthawngin om vun! Saksang pan ngalkapte hong paina leivui khu sia meei bang hi a — tua ngalkaphon sungah a lauthauh khat zongh om ngawl hi.

Isaiah 24:19

Leitang kektham, tamhtham in, kikhen keak tu hi.

Isaiah 34:4

Ni, tha le aksite leivui suak tu hi. Van sia laizial bangin kizialin mang vadi in, aksite sia sapitkung, theikung tung pan a teete a pul bangin taak tu hi.

Matthew 8:27

Mihing simin lamdang sa uh hi “Hisia pa bangbang mihing hi thong ziam? Vui le tuihualte ngawngawn in a thu ni hi,” ci uh hi.

Romete 13:11

Hisia na vawt uh kul hi, banghang ziam cile, na mutna uh panin, na khanlaw natu a hun cing zo hi, ci in na he uh hi. Ih upciil lai sangin tu in ih kingup natu naizaw zo hi.

Romete 13:12

Zan hun bo dek zo a, sun hun hong theng dektak zo hi. Khuazing taw a kisai nate ih sepna panin tawp tawng; khuavak sungah kidona ngalvanhte zamh tawng.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

Philippi te 1:27

Tu in a thupi thu in na nuntakna uh sia Christ lungdamna thu ii dei bang tatak ahi natu thu ahi hi, tua hile kei kong pai thei a, kong pai maw zong note tupna kibang khat tungah kip takin a dingte hi a, deina khat bek taw lungdamna thu upna atu ngaldo khawmte na hi hunlam kong za tu hi.

Philippi te 3:20

Eite ih hile vantung ngammite ih hi a, vantung panin ih Hunpa Topa Jesus Christ hong pai tu thalawp takin ih ngak hi.

1 Thessalonica te 1:5

Banghang ziam cile Lungdamna Thupha sia, kammal nguak taw hi ngawlin, vaangletna le Thaa Thiangtho taw zongh le a thumaan thutak saan tatakna taw no kungah kong puak uh hi. Note taw ka om uh lai in bangbangin nungta khu ziam ci in nong he uh hi; tuate in noma ii phat natu ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

1 Timothy 4:12

Khangmoi na hi hu in, kuama in na zawngsaksak heak in a, ahihang na pauna, na ngamtatna, na itna, upna le thiangthona sungah, thu umte ii ettee tu hi ta'n.

1 Timothy 6:11

Ahihang Pathian mihing ahi nangma in hite theampo na pial in. Thumaan thutanna, Pathian thu sungah nopsakna, upna, itna, thuak zawkna, ciknate na nei zawk natu hanciam in.

1 Timothy 6:3

Ih Topa Jesus Christ ii thumaan kammalte le ih biakna ii hilna taw a kisi ngawl upna thubul tumdang a hil sia in

1 Timothy 6:6

Mihing khat in a nei pawpo taw a lungkim nale biakna paaina in ama sia sumhau mama pa a suaksak takpi ma ahi hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

James 1:24

Ama le ama pha tak a ki et zawkciangin pusuak a, ama meal bangbang hi ziam cisia mangil paih hi.

James 3:13

Note sungah a ciim thutel thei na om uh ziam? Amate in tuasia a nuntakna pha taw ahizong, kiniamkhiakna le ciimna taw a pha sepnate taw ahizong lak tahen.

1 Peter 1:15

Tua hi ngawl zaw in, na sep na vawt theampo sungah note hong sam Pathian a thiantho bangma in thiangtho vun.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

2 Peter 1:6

na heakna tungah pumpi ki ukzawkna belap vun; pumpi ki ukzawkna tungah thuak zawkna belap vun; na thuak zawkna tungah Pathian bang hina belap vun;

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

2 Peter 3:12

vantungte kaanghtumin bocip a, vantung a om nate a sa in a tuithapsak siat tu ni — Pathian ii Ni ngakin, hong thet pal thei natu na sep thei tawpin seam in.