2 Peter 3:10 - Syin Chin Bible

¹⁰ Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

2 Peter 3:10 Iomraidhean Croise

Psalm Late 102:26

Amate sia bo vangeu tu a, ahihang nang sia na om lai tu hi; amate in puan bangin tul tu hi. Nangma in amate puan bangin na vawk tu a, amate a bo tu hi.

Psalm Late 46:6

Minamte lau uh a, kumpi ngam liinglawng hi. Pathian aw ngingin, tuaciang leitung tuitham hi.

Psalm Late 97:5

Mualte sia Topa ii mai, leitung theampo ii Topa mai ah khuainun bangin tui tham hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 24:19

Leitang kektham, tamhtham in, kikhen keak tu hi.

Isaiah 34:4

Ni, tha le aksite leivui suak tu hi. Van sia laizial bangin kizialin mang vadi in, aksite sia sapitkung, theikung tung pan a teete a pul bangin taak tu hi.

Isaiah 51:6

Vantungte ento vun; leitung en vun! Vantungte sia meikhu bangin mang vadi tu hi; leitung sia puan lui taw kibangin paat vadil tu a, a mite theampo sia tho bangin thi tu uh hi. Ahihang keima ii ngupkhiatna ka piak sia kip tawntung tu hi; ka ngalzawna sia a tawntung atu ahi tu hi.

Joel 1:15

Topa ni nai hi; Vaanglianbelpa ii siatna hong tunsak tu ni ahi hi. Tua ni in bangza launa piang tu ziam!

Joel 2:1

Lemle tum vun; Pathian mual thiangtho Zion tungah patau daak tum vun, Judah mite awng, liing vun! Topa ni hong theng pal tu hi.

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Joel 3:14

A tul a tulin Thukhenna Kuam sungah om uh hi. Tua munah Topa ii ni hong theng pal tu hi.

Amos 9:13

Topa in, “Lo ante kila man ngawl liangin a khan tu hun, sapitngate sapittui in kivawt man ngawl liangin a khan tu hun le a tun tu nite hong theng tu hi. Mualpite tung pan sapittui thum taak vakeu tu a, mualnote ah sapittui luang tu hi.

Amos 9:5

Vaanglianpipa Topa Vaanglianbelpa in leitung tham a, leitung liing hi; tua munah a teang theampo khuangai uh hi. Leitung buppi Nile ngun bangin khang tuak, kiam tuak hi.

Micah 1:4

Tuasia ciang meikhuk khat ii sungah khuainun a tuithap bangin mualpite ama ii nuai ah tuitham tu hi; mualno khat tungah tui buaksuk bangin ngamkuamte sungah buaksuk tu hi.

Nahum 1:5

Topa mai ah mualpite liingin kektham a; ama mai ah mualnote tuitham hi. Topa a kilangh ciang leitung kilok a; leitung le a mite theampo liing hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 24:35

Vantung le simlei a bo tu hi, ahihang ka kammalte a bo ngei buatu hi.

Mark 13:31

Vantung le simlei hong bo tu hi, ahihang ka kammalte bo ngeingawl tu hi.

Luke 12:39

Inn nei khat in nguta hong pai tu hun he khol le a inn sia nguta in phuulsak ngawl tu ci in na tel uh hi.

Romete 8:20

Banghang ziam cile bitphua sate sia amate ii tupna le sawmnate a taan natu in, amate ii uuk thu hi ngawlin Pathian ii deina taw puavawkna a thuak uh hi. Ahitazong lametna om lai hi,

1 Corinth te 1:8

Topa Jesus Christ ii Ni hong thet ni ciang, na pauban ngawl natu in ama in a tawpna dong kip takin hong keam si tu hi.

1 Corinth te 5:5

Topa Ni ciang a thaa a suatak natu in, a pumpi Satan suksiat natu in tua pa ii pumpi Satan na aap vun.

1 Thessalonica te 5:2

Banghang ziam cile noma ma in Topa Ni sia, zan lai a, nguta khat hong pai bang in, hong pai tu hi, ci in a pha tak na he uh hi.

1 Thessalonica te 5:4

Ahihang suapuite awng, note in khuazing sungah om ngawl nu hi, tua ahikom tua Ni in nguta khat hong pai a, lamdang na sak bang ahi buatu hi.

2 Peter 3:11

Hite theampo tuabangin kilalcipsak tu ahile no sia bangbang mihingte na hi tu uh kisamh tu ziam? Na nuntakna uh sia thiangtho tu a, Pathian atu in a ki aaptuam nuntakna hi tu hi,

2 Peter 3:12

vantungte kaanghtumin bocip a, vantung a om nate a sa in a tuithapsak siat tu ni — Pathian ii Ni ngakin, hong thet pal thei natu na sep thei tawpin seam in.

2 Peter 3:7

Ahihang tu in a om, vantungte le leitung sia meikuang taw a kilalsak natu in, tua a kibang Pathian thupiak sia ma in keamcingin om nginge hi. Pathian a sel mite thu kikhen natu le a kilalsak tu hun, a ni hong thet tu ngakin kikeam zii hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.

Thupualaakna 21:1

Tuaciangin vanthak le leithak khat ka mu hi. Vantung masa sia le leitung masa sia bomang zo a, tuipi zongh bo hi.

Thupualaakna 3:3

Tua ahikom note hong kihil sa le na zaaksate phawk kik tavun; tua thute ni vun a, na mawnate uh pan kisiik kik vun. Na khanglo bua uh le, note kungah nguta bangin kong pai tu a, kong pai tu a hun ngawngawn zongh na he buatu uh hi.

Thupualaakna 6:14

Van sia laidal pheak kizial bangin bomang a, mual theampo le tuikulh theampo amate omna mun pan kikhiin siat hi.