2 Peter 3:1 - Syin Chin Bible

¹ Ka it lawmte awng, hi sia in no tung kong laithak a niina hi. Laithakte ngeal sungah na thinsung a om a thiangtho ngaisutnate a kiphawlo thei natu in, hi thute phawsak tu in kong hanciam hi.

2 Peter 3:1 Iomraidhean Croise

Psalm Late 24:4

Ngaisutna le ngamtatna a thiangthote, milim a bia ngawlte tua ahibuale a maan ngawl kamciam a vawt ngawlte pai thei tu hi.

Psalm Late 73:1

Pathian in thinsung thiangtho a nei Israel te atu in pha tatak hi.

Matthew 5:8

“Thinsung thiangthote in mihing lungdamte ahi uh hi; amate in Pathian mu tu uh hi!

2 Corinth te 13:2

Hun bosa sungah mawna a vawt sa note tung le ngualdang theampo tungah kong son nuam hi; tu masia a, a nii veina kong pai lai in, hong ci zo khi hi, ahihang, tu in note kung pan a khualana ah om ka hi ciang hong ci kik tu khi hi: kong pai kik ciang ahile kuama daan thuakna taw na kipeal thei buatu uh hi.

1 Timothy 5:22

Topa naseam tu in aapna in mihing khat pawpo tungah na khut nga memeang heak in. Ngualdangte mawna vawtna sungah kihel heak in; nangma le nangma thiangtho takin kikeam in.

2 Timothy 1:6

Hi thu hu in, na tungah khut kong ngak ciang Pathian hong piak tel sia na nuntaksak natu in kong phawksak hi.

Hebrew te 6:9

Ahizong hi bangin ih pau hang, kong it lawmte awng, no atu sia ka lungmuang hi. Note ii ngupna taw kizui thupha a phazawte na nei uh sia kong he uh hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

2 Peter 3:17

Ahihang no ka lawmte awng, hi thu na heaksa uh hi. A muanhuai na dinmun pan na puk ngawl natu le ngeina maan zui ngawl a maitatte ii khialnate taw hong lampui thaak ngawl natu in, kikeam tavun.

2 Peter 3:8

Ahizong ka it lawmte awng na khat na mangil heak vun! Topa muna ah ni khat le kum tulkhat sia a kilamdanna om ngawl hi; ama atu in tuate nii sia kibang hi.

Jude 1:5

Na heaksa uh ahitazong, Topa in Israel te sia Egypt ngam pan suatak napi, a thu um ngawlte sia a khak sang ciangin, susiacip hi ci in kong phawksak nuam hi.