2 Peter 2:8 - Syin Chin Bible

⁸ Tua mihing pha Lot sia amate sungah teang a, ni khat zawkciang ni khat, amate ngamtat siatnate a mu a zaak ciangin, thinngimin na sa mama hi.

2 Peter 2:8 Iomraidhean Croise

Pianciilna 13:13

Sodom mite sia seksol a, Topa tungah nasia takin a maw a khialte ahi uh hi.

Psalm Late 119:136

Mihingte in na thukham hong zui ngawl hu in ka thitui ngun bangin luang hi.

Psalm Late 119:139

Ka ngalte in, na thupiakte thusim ngawl ahikom ka thin uukna sia, ka sungah mei bangin kuang hi.

Psalm Late 119:158

Tua ngual leeheak theite ka et ciangin kiihuai ka sa hi, banghang ziam cile amate in na thupiakte a len bua uh hi.

Paunakte 25:26

Mihing pha khat in mihing ngilo khat ii thu a zawp ciang ciktui nin ahibuale nguu a kitha tuikhuk khat hong phawksak hi.

Paunakte 28:12

Mihing phate in ukna za hong nga ciang mihing theampo lungdamin poai khaam uh a, ahihang mihing siate in ngam a uk ciang mihingte buu uh hi.

Ezekiel 9:4

“Jerusalem khuapi bup sungah va pai ta'n a, khuapi sungah a kivawt, a kiihuai nate theampo hu in, a khuangai a thinngim theampo ii talki tungah tepteena vawt ta'n,” ci hi.

Ezekiel 9:6

Pasal huaite, tangvalte, ngaknute, nute le patangte thatlum siat vun. Ahihang a talki tungah tepteena a om pawpote thutha heak vun. Hi lai ka Biakinnpi panin pan vun,” a ci ka za hi. Tua ahikom amate in tua Biakinnpi ah a ding lampuite panin pan uh hi.

1 Timothy 1:9

Ih phawk tu a kul thu sia, thukhamte sia mihing phate atu a kivawt hi ngawlin, thukham paltante le khialna lian vawtte, pathian selte le a mawte, biakna kin ngawl le thaa mi ahi ngawlte, pate nute a thatlumte, mihing thatte,

Hebrew te 11:4

Upna taw Abel ii Pathian tungah a biakpiakna sia Cain ii biakpiakna sangin phazaw hi. Ama ii upna tungtawnin, ama sia Pathian in thutang hi ci in a saan pa hi a, banghang ziam cile Pathian mama in a piakte lungkim hi. Abel sia thi zo ahihang ama ii upna in thu hong son lai hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.