2 Peter 2:7 - Syin Chin Bible

⁷ Ngeina pha zui ngawl a maitatte ii paktat ngamtatnate hu in a khuangai, mihing pha Lot bekma ama in suatak hi.

2 Peter 2:7 Iomraidhean Croise

Pianciilna 13:13

Sodom mite sia seksol a, Topa tungah nasia takin a maw a khialte ahi uh hi.

Pianciilna 19:16

Lot sia a thinkaa in om lai hi. Bangbang hikale Topa in ama hesuak hi; tua ahikom tua pasalte in ama, a zi le a tanute nii a khut lenin khuapi pua sangah masuan hi.

Pianciilna 19:22

Manlang in! Tai in! Tua khua na thet mateng bangma ka vawt thei buatu hi,” ci in zo hi. Banghang ziam cile Lot in tua khua sia, no hi ci ahikom, a min Zoar kici hi.

Pianciilna 19:29

Ahizong Pathian in Lot ii teenna ngamkuam ii khuapite a lalcipsak ciangin a thinsung ah Abraham mangil ngawl ahikom Lot sia suaktasak hi.

Pianciilna 19:5

Amate in Lot sam a, “Tu nitak na inn ah a taam tu in hong tung pasalte koisungah om ziam? Ko kungah hong pusuaksak ta'n” ci uh hi. Sodom pasalte in amate khialpui nuam hi.

Psalm Late 120:5

Note kawm ah teen sia Meshech ah teen bang, Kedar mite kawm sungah teen bangin sia hi.

Jeremiah 23:9

Ka thin kitamhtham in ka liing hi. Topa hang le ama ii kammal thiangthote hangin, sapittui tam ne leih in a kham pa khat taw ka kibang hi.

1 Corinth te 10:13

Ze etna na thuaksa uh theampo sia mihingte tungah a tung bul thute ahi hi. Ahihang Pathian in a kamciam kholet hi, tuaciang ama in a kipin na om thei natu note thuak zawk ngawl tu ze etna hong thuaksak ngawl tu hi; hong kize et ciangin zongh thuak zawk thahatna hong pia tu a, na suatak natu lampi khat hong hon tu hi.

2 Peter 2:18

Amate in kiphatsakna le mawmawt kamte pau a, tuaciangin khialna sung pan a suakta tu a kipan tuungte zongh pumpi lungngul khialnate zanghin aitaa uh hi.

2 Peter 2:2

Tua hi napi in, mihing tam mama in amate paktat nopna lampite zui tu uh hi; tuaciang amate ngamtatna hu in ngualdangte in, thumaan Lampi sia sonsia tu uh hi.

2 Peter 3:17

Ahihang no ka lawmte awng, hi thu na heaksa uh hi. A muanhuai na dinmun pan na puk ngawl natu le ngeina maan zui ngawl a maitatte ii khialnate taw hong lampui thaak ngawl natu in, kikeam tavun.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.