2 Peter 2:6 - Syin Chin Bible

⁶ Pathian a selte tung a piang tu sia mu thei natu in, Sodom le Gomorrah khuapite sia meikuang taw Pathian in haltham hi.

2 Peter 2:6 Iomraidhean Croise

Pianciilna 19:28

Ama in Sodom le Gomorrah le a ngamkuam bup ensuk a, meiphualpi khat pan meikhu suak taw a kibang, lei pan meikhu a suakto mu hi.

Isaiah 1:9

Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 13:19

Babylon sia kumpi ngam theampo sung pan a et hoibel hi a; tuasia in a mite kiphatsakna ahi hi. Ahihang Topa ahi, keima in, Sodom le Gomorrah ka vawt bangin Babylon ka lawnthal tu hi!

Jeremiah 50:40

Sodom khua, Gomorrah khua le a nai a khuate ka suksiat bangin Babylon ka susia tu hi. Tua munah kuama teang kik ngeingawl tu hi. Keima, Topa in ka ci zo hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Zephaniah 2:9

Israel te ii Pathian, a nungta Topa ka hi bangma in Moab le Ammon sia Sodom le Gomorrah bangin kisusia tu hi, ci in ka kiciam hi. Tuate sia cikhukte le a laltham top, lopa bek pona mun suak tu hi. Ka mi a nungta laite in amate vanh suttol tu a, a ngam laaksak tu uh hi,” ci hi.

Mi Simna 16:38

Tuate Topa biaknatau ah a kipiak ciang a thiangtho suak hi. Tua ahiciang a mawna hangin thina a thuakte ii meikamkuangte la in biaknatau sit natu in pakan a paa in seak in. Hisia Israel mipite kidop natu thu hi tu hi,” ci hi.

Mi Simna 26:10

Lei kihongin amate valhlum a, amate le Korah thi uh hi, tuaciang a nungzui pasal 250 teng mei in kaanghlum a, amate sia mihingte kidopna tu suak hi.

Matthew 10:15

A tatak kong ci ciang thukhen ni ciangin tua khua mite sangin, Sodom le Gomorrah khua mite tungah Pathian in hesuakna lak zaw tu hi.

Matthew 11:23

Tuaciangin, Capernaum, nang na hile, nangma le nangma vantung dongin kilapto sawm na hi ziam? Hell khuk sungah na kisepsuk tu hi. Nang sungah a kiseam nalamdang laknate Sodom khua ah kiseam thong le tua khua sia tuni dongin kip lai tu hi.

Romete 9:29

Isaiah in a masa in hi bangin ci hi. “Vaanglianbelpa Topa in suan le paal tawm hong kheetsak ngawl hi kapo le, eite Sodom bang ih hi tu a, Gomorrah bang ih suak tu hi.”

1 Corinth te 10:11

Hi thupiang theampo sia ngual ii ettee tu lim hi a, eite kidop thei natu in lai sungah a kiciamtee ahi hi. Banghang ziam cile leitung bo kuan hun sungah eite ih om hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.

Hebrew te 4:11

Tua ahikom, amate upna a sel hu in tawlngakna a nga ngawl bang ih sua ngawl natu in, ei zongh tua tawlngakna sia ih saan thei natu in, ih hi theiza in hanciam tawng.

Jude 1:15

mihingte theampo tungah thutanna vawt tu le, Pathian awlmawk ngawl ngamtatnate le Pathian sel mawneite ii Pathian langpanna a lauhuai kam paunate tungah puavawkna vawt tu hi!” ci hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.