2 Peter 2:4 - Syin Chin Bible

⁴ Pathian in a maw a khial vantunglalangte khoaikhe ngawlin, hell sung denna in nei hi, amate tua mun khuazing sungah Thukhenna Ni ngak tu in koltaang hi.

2 Peter 2:4 Iomraidhean Croise

Job 21:30

Pathian thin uuk a daan a piak ni in mi ngilote sia kikhoaikhe tawntung hi.

Job 4:18

Pathian in a vantung naseamte muang ngawl hi; ama in a vantunglalangte ii khialna ngawngawn mu hi.

Psalm Late 78:50

Ama in a thin uukna iip ngawlin amate nuntakna uh khoaikhetsak ngawlin, pul natna taw amate thatlum hi.

Isaiah 14:12

“Babylon kumpipa nikonghong aksi awng, vantung panin na taak suk zo hi! Nidangin minamte na zo a, ahizong tu in lei ah hong kikhiasuk zo ta hi.

Ezekiel 5:11

“Tua ahikom keima in a nungta Pathian ka hi bangma in — hisia in Vaanglianpipa Topa ii kammal hi — nangma in ka Biakinnpi sia, a sia le a kiihuai ngamtatnate theampo taw ninsak na hikomin, hong hesuak ngawlin kong saatvawk tu hi.

Ezekiel 7:4

Nang hong khoaikhe ngawl tu khi hi, tua ahibuale nang tungah hesuakna hong lak ngawl tu khi hi. Keima sia Topa ka hi hunlam na heak natu in a thasiathuai na ngamtatna te hu in, daan kong pia tu hi,” hong ci hi.

Ezekiel 7:9

Nang kong khoaikhe buatu a, kong hesuak buatu hi. Keima sia Topa ka hi hunlam le nangma daan hong pia sia ka hi hunlam na heak natu in, a thasiathuai na ngamtatnate hu in daan kong pia tu hi.”

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.

Luke 10:18

Jesus in zo kik a, “Vantung panin Satan sia khualeng bangin a taaksuk ka mu hi.

Luke 8:31

Tua doaite in Jesus munah, a hawng thukpui sungah a puak ngawl natu in thum hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Romete 11:21

A pianpui a baak ahi Jew te Pathian in dual tuan ngawl hi; no hong dual tu in na um uh ziam?

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

Thuhil kikna 29:20

Topa in tuabang mihing khat ii mawna maisak ngawl tu hi. Tua luangin Topa thin uukna sia tua pa atu in meileng bang hi tu a, Topa in ama a lalsak mateng in hi thubu sungah a ki at tuasiatnate theampo tung tu hi.

2 Peter 2:11

Hi a maan ngawl syate sangin a nasia zaw pekin a tha khozaw, a hatzaw vantunglalangte zongh in, amate sia Topa mai ah selnona taw mawsiat ngawl hi.

2 Peter 2:5

Taanghlai leitung mite sia Pathian in a khoaikhe bua hi, Pathian a sel mihingte ii leitung ah tuipi liimsak hi; a ngup mihingte sia thumaan thutang a hil Noah le a dang mihing sali teng bek hi.

2 Peter 2:9

Tua ahikom Topa in Pathian ii dei bang a nungtate, haksatnate pan bangbang suatak tu ci thu, mihing seksolte Thukhenna Ni ciang bangbang daan thuaksak tu ci sia le

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Jude 1:13

Amate sia tuipi sung a, tui kihualte taw kibang a, amate ii a maizumhuai ngamtatnate sia, tuiphuante bangin kilangh hi. Amate sia khuazing belna sung, a tawntung a om natu mun Pathian ii a koi kholsak, a vakthap aksite taw kibang hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Thupualaakna 20:10

Tua zawkciang amate a theam Doaimangpa sia nganhing le leilot kamsaangpa kivawkna meili le kaan sungah kivawk hi; tuaciangin amate sia sun taw zan taw a tawntung a tawntung ngim kipia tu hi.