2 Peter 2:3 - Syin Chin Bible

³ Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!

2 Peter 2:3 Iomraidhean Croise

Job 6:27

Tanga silate na nga natu in aisaanna nuangtangte ngawngawn na lawn uh a, tuaciang na lawm phabelte duupin na hau natu zong nu hi!

Psalm Late 18:44

Ngamdangmite sia ka mai ah kun uh hi; ka thu hong zaak ciangin ka thu ni uh hi.

Psalm Late 66:3

Pathian mun ah, “Na sep na vawtte bangza in lamdang ziam! Na vaangletna in lian lawlawm a, na ngalte in kiitakna taw na mai ah kun uh hi.

Psalm Late 81:15

Kei hong ensante in kiitakna taw ka mai ah hong kun tu uh hi; amate ii thuak daan sia a tawntungin kikhomsuan tu uh hi.

Isaiah 5:19

Note in, “Topa in ka vawt tu hi a ci sia hi vabil in vawt tahen, tua hile ih mu thei tu hi. Israel ii a thiangtho Pathian in ama ngealnate vawt hen; a thinsung ah bang ngaisun ziam en tek tawng,” na ci uh hi.

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Isaiah 60:22

Na minam sung pan a nobel le a kiniamkhiakbel Na innkuan ngawngawn zongh a thahat minam khat bangin lian tu hi. A hun cin ciang keima in hi thu a manlangin ka piangsak tu hi. Keima in Topa ka hi hi!” ci hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 8:10

Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.

Ezekiel 13:19

Mangtaang tang tawm le anluum tawm na nga natu in, ka mite mai ah hong maimawlsak nu hi. Thi tu a, a kilawm ngawl mihingte na thatlum uh a, nungta tu a kilawm ngawl mihingte na nungtasak uh hi. Tua ahikomin, ka mite tungah leilot thu na son uh a, amate in no hong um uh hi.”

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Habakkuk 3:3

Edom panin Pathian hong pai kik tu hi; Paran mualte pan a thiangtho Pathian hong pai tu hi. A hoina in vantungte siin a; leitung in ama pokna taw kidim hi.

Malachi 1:10

Vaanglianbelpa Topa in, “Ka biaknatau tungah a kimang ngawl meite na hal ngawl natu in note khat in biakinn kongkhate khak le uh teh kong oai hi. No tungah ka lungkim ngawl a; kei kung nong paipui biakpiaknate kong saang buatu hi.

Matthew 23:14

Thukham hil syate le Pharisee te awng! No atu in bangza lauhuai ziam? A kihitheamsakte awng! Meingongte na zothaw uh a, a inn uh na phuul uh hi. Tua zawkciang na thunget a sau mama in na kivawt tawm uh hi! Tua hu in daan na thuak tu sia nasia mama tu hi!

Luke 18:8

A maan tak ka ci ciangin, amate sangah pangin, a manlang takin thu khensak tu hi. Ahitazong Mihing Tapa ii hong pai kik ciangin leitung ah upna a mu tu ziam?” Topa in ci thua hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

Luke 22:47

Jesus in thu a son saan laitakin, nungzui sawm le niite sung pan khat ahi Judas lampui in mihonpi khat hong theng hi. Ama in Jesus namh tu in pai hi.

John 2:16

tuaciangin inn vakhu zuakte munah, “Hite hi sung pan lakeak vun! Ka Pa inn sia vanh zuakna mun suaksak heak vun!” ci hi.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

2 Corinth te 2:17

Kote sia Pathian thu takpi vanh ngina ngawl te zuak bangin a son midang tam mama te taw ka kibang bua uh hi; ahihang Pathian in hong sawl ahikom, thinsung maan tak taw ama mai ah Christ ii naseamte bangin thu ka son uh hi.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.

1 Thessalonica te 2:5

Note kungah kong pai uh lai in, kisialpokna kampauna taw kong pai bua uh a, duhopna a phualseal natu kammalte kong zangh bua uh hi. Tuabang ka hi uh sia noma in nong he mama uh hi — Pathian sia koma tetti ahi hi!

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.

1 Timothy 3:3

Ama sia zukham thei le a ngoltol hi ngawl het tu a, cinghin ngual taw kilem thei tu hi; ama in sum bek ngaisun ngawl het tu hi;

1 Timothy 3:8

Pawlpi upate zongh ngamtat pha nei tu a, a citakte ahi tu kisamh hi; amate in sapittui tam lei ne ngawl tu a, sum lam sangah duhop ngawl het tu hi;

1 Timothy 6:5

thumaan thutak nei nawn ngawl a, thinsung maan ngawlte ii kam kinialna te piangsak hi. Amate in biakna sia sumhau thei natu lampi khat in ngaisun uh hi.

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

Titus 1:7

Banghang ziam cile Pawlpi lampui khat sia Pathian ii nasepna a uk ahikom, ama sia paubanna nei ngawl tu hi. A ma sia a kihisak, a thintom, zukham thei, a ngoltol, ahibuale sum lamsang a duhop hi ngawl tu hi.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.

1 Peter 5:2

Uuk ngawl pipina taw hi ngawlin Pathian hong deisak bangin, uukna takpi taw Pathian hong piak tuuhonte keam tavun ci in kong thuum hi. Na nasep uh sia thasum saan natu lel hi ngawlin, uukna takpi taw a seam hi tavun.

2 Peter 1:16

Ih Topa Jesus Christ ii vaangletna taw hong pai natu thu kong heaksak ciangin, phuatawm taanghthute ka sisanh bua uh hi. Ama ii letna sia ka mit uh taw ka mu sa uh ahi hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

2 Peter 2:9

Tua ahikom Topa in Pathian ii dei bang a nungtate, haksatnate pan bangbang suatak tu ci thu, mihing seksolte Thukhenna Ni ciang bangbang daan thuaksak tu ci sia le

Jude 1:11

Amate atu in bangza in lauhuai ziam! Amate in Cain ii lampi tawn uh hi. Balaam khial bangma in, amate sia sum huvau in puk uh hi. Korah ii a langpan bangin, amate zongh in langpan uh a, ama bangma in kilalsak hi.

Jude 1:15

mihingte theampo tungah thutanna vawt tu le, Pathian awlmawk ngawl ngamtatnate le Pathian sel mawneite ii Pathian langpanna a lauhuai kam paunate tungah puavawkna vawt tu hi!” ci hi.

Jude 1:16

Hi mihingte in a tawntungin, phunin ngual veu mawsiat uh hi; amate in a ngitlo nopna thinpuakte zui uh hi; amate le amate kisuangtaakin, a dei uh sia a nga thei natu in, ngualdangte sialpok uh hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.