2 Peter 2:2 - Syin Chin Bible

² Tua hi napi in, mihing tam mama in amate paktat nopna lampite zui tu uh hi; tuaciang amate ngamtatna hu in ngualdangte in, thumaan Lampi sia sonsia tu uh hi.

2 Peter 2:2 Iomraidhean Croise

Pianciilna 19:5

Amate in Lot sam a, “Tu nitak na inn ah a taam tu in hong tung pasalte koisungah om ziam? Ko kungah hong pusuaksak ta'n” ci uh hi. Sodom pasalte in amate khialpui nuam hi.

Psalm Late 18:21

Topa thukham ka zui zo a, ka Pathian kung panin ka pial bua hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Matthew 22:16

Tua zawkciang amate in, a nungzuite pawlkhat le Herod mihingte pawlkhat paisak uh hi. “Sya awng, thumaan na son hi ci in hong he khu hi. Pathian ii mihingte atu a deisak thutakte, mihingte in bang ngaisun ci patau ngawlin na hil hi. Banghang ziam cile mihingte maitang na zakta bua hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

Matthew 7:14

Ahihang nuntakna sung tum natu kongbiang sia ciak a, tua mun pai natu lampi sia tot hak hi, tuaciang tua lampi a mu mihing tawm hi.

Mark 12:14

Amate Jesus kungah hong pai uh a, “Syapa awng, ngualdang ii ngaisutnate awlmawk ngawlin thumaan a son pa hi, ci in kong he uh hi. Mihing min le zate zongh thupi sim tuan ngawlin Pathian ii mihingte atu a deisak thute hil hi, ci in kong he uh hi. Ih thukham in Rome Kumpilianpa, shia ih piak tu khaam ziam? Pia tu hi ziam, pia ngawl tu hi ziam, hong son ta'n,” ci uh hi.

Mark 13:22

Banghang ziam cile Messiah theam le kamsaang theamte hong piang tu hi. Hi thei hile, Pathian ii tealsa mihingte ngawngawn a theam tu in, amate in nalamdang lakna a tumdang nate hong vawt tu hi.

John 14:6

Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

Sawltakte 14:2

Ahihang a um nuam ngawl Jew te in, Gentile te holin thu umte langpansak hi.

Sawltakte 16:17

Ama in Paul le ko hong zui a, “Hi mite in A saangbel Pathian naseamte hi! Note bangbangin kingum thei tu ci thu amate in hong thangsak hi!” ci in au hi.

Sawltakte 18:26

Jew te ii synagogue ah hangsan takin thuson tu in kipan hi. Priscilla le Aquila in ama thu a zaak uh ciang, amate inn ah ciapui uh a, Pathian Lampi a maan zaw lai in hil thiang uh hi.

Sawltakte 19:9

Ahihang pawlkhatte a thinpui in, a um nuam bua uh a, mihon bup mai ah amate in Topa Lampi sonsia uh hi. Tua ahikom Paul in amate nusia in, thu umte paipui a, ni simin Tyrannus laihilna inndoi lian sungah kikupna nei uh hi.

Sawltakte 22:4

Hi Lampi a zuite sia a thi dongin, a vawtsiapa ka hi hi. Pate le numeite manin, thong sung denna in, a neipa ka hi hi.

Sawltakte 24:14

Na mai ah ahi bang ka pualaak nop thu panin, amate ii maan ngawl hi a ci tua Lampi zui in ka taanghpupite ii Pathian ka bia hi. Ahihang Moses Thukham le kamsaangte thubute sung a ki at theampo sia kei zongh in ka um hi.

Romete 2:24

Laithiangtho in, “No Jew te hu in Gentile te in Pathian sonsia hi,” ci hi.

1 Timothy 5:14

Tua ahikom kei deina ah meingong khangmoite in pasal nei in ta nei a, a bangkua uh en tahen, tua hile ih ngalte in amate siatna a son tu hunpha a nga buatu uh hi.

Titus 2:5

amate le amate a ki uk zo, a thiangtho, tuaciang a pasalte ii thu a ni, bangkua nupi pha ahi thei tu in hil tu nu hi, tua hile Pathian kung pan hong pai thute, kuama in sonsia ngawl tu hi.

Titus 2:8

Sit thei tu ahi ngawl kammal kilawmte zangh in, tua hile na ngalte in, ei huvau a sia hong pau natu, a heak ngawl uh ciangin, amate maizum thei tu uh hi.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

2 Peter 2:12

Ahihang hi mihingte in, amate thinsung pan, a piangtawm thinpuakte taw ngamta uh a, mat tu le thalup tu a, a piang ngamsate taw kibang uh hi; amate heak zawk ngawl na theampo selno nate taw do uh hi. Amate sia ngamsate bangin kithat tu hi,

2 Peter 2:15

Amate in lampi tang nusia in, lam amh uh hi; amate in a maan ngawl sepna taw sum a nga nuam Beor tapa Balaam ii lampi zui uh a,

2 Peter 2:18

Amate in kiphatsakna le mawmawt kamte pau a, tuaciangin khialna sung pan a suakta tu a kipan tuungte zongh pumpi lungngul khialnate zanghin aitaa uh hi.

2 Peter 2:21

Amate tungah a kipia a thiangtho thupiakna pan a pial uh sangin, a heak uh thutang lampi sia he ngei phot buazaw le, amate atu phazaw lai tu hi.

2 Peter 2:7

Ngeina pha zui ngawl a maitatte ii paktat ngamtatnate hu in a khuangai, mihing pha Lot bekma ama in suatak hi.

Jude 1:10

Ahihang hi mite in a tel ngawl nate sia nunau in, selno uh hi; tuaciang nganhing bangin, amate ii a pianpui thinsung uh taw a heak thei nate in amate lalsak uh hi.

Jude 1:15

mihingte theampo tungah thutanna vawt tu le, Pathian awlmawk ngawl ngamtatnate le Pathian sel mawneite ii Pathian langpanna a lauhuai kam paunate tungah puavawkna vawt tu hi!” ci hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

Thupualaakna 13:14

Nganhing masa sia ii mai ah vawt thei natu thu a nga bangin nalamdang laknate taw leitung mihing theampo theam hi. Tua nganhing in namsau taw kiliamsua napi a nungta lai nganhing sia upat natu in milim khat a vawt natu amate sawl hi.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.