2 Peter 2:1 - Syin Chin Bible

¹ A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

2 Peter 2:1 Iomraidhean Croise

1 Kumpite 22:6

Tua ahikom Ahab in kamsaangte 400 bang samin, “Kei pai in Ramoth sim tu khi ziam maw, sim ngawl tu khi ziam?” ci in dongh hi. Amate in, “Sim in, Topa in zawna hong pia tu hi,” ci in zo hi.

Pusuana 15:16

Launa le patauna amate tungah theng hi; Topa awng, amate in na thahatna mu uh hi, saltanna pan na suatak na mite ii a kaantan zawk mateng amate launa taw cimaw in ding uh hi.

Isaiah 9:15

A khanghaam le a zatak huai pasalte sia a lu hi a — leilot thu a hil kamsaangte sia a mei ahi hi!

Jeremiah 29:21

“Vaanglianbelpa Topa, Israel ii Pathian in, ama min suangin no tungah leilot thu hong son, Kolaiah ii tapa Ahab le Maaseiah ii tapa Zedekiah te ii thu son zo hi. Topa in amate sia Babylon kumpipa Nebuchadnezzar khut sungah aap tu a, ama in noma mu tang ma in thatlum tu hi, ci zo hi.

Jeremiah 37:19

Babylon kumpipa in nang le hi ngam hong sim ngawl tu hi ci a, nang tungah hong son, na kamsaangte bang tat ziam?

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Hosea 9:8

Pathian in Israel a mite kidop natu thupia tu in kamsaang khatin kei hong sawl hi. Tua hikasap ka paina po ah vacim khat bangin thaangsia tu nong sawm uh hi. Pathian Biakinnpi tung ngawngawn ah mihingte sia kamsaangpa ii ngalte suak hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 10:33

Ahihang mihingte mai ah khat po in kei hong nial a ahile, vantung ka Pa mai ah kei zongh in ka nial tu hi.

Matthew 24:11

Tua zawkciang leilot kamsaang tam mama piang tu a, mihing tam mama theam tu hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

Matthew 24:5

Banghang ziam cile mihing tam mamate kei min zanghin hong pai tu a, ‘Keima in Messiah ka hi hi’ ci tu a mihing tam mama theam tu hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

Mark 13:22

Banghang ziam cile Messiah theam le kamsaang theamte hong piang tu hi. Hi thei hile, Pathian ii tealsa mihingte ngawngawn a theam tu in, amate in nalamdang lakna a tumdang nate hong vawt tu hi.

Luke 12:9

Ahihang mihonpi mai ah kei hong nialte sia Mihing Tapa in Pathian vantunglalangte mai ah nial tu hi.

Luke 21:8

Jesus in, “Kinging ta khol vun, ngual in theamsak heak vun. Mihing tam mamate in kei min taw hong pai tu a, ‘Kei in ama ka hi hi! A hun hong theng zo hi!’ hong ci tu hi. Ahihang amate ii nung na zui heak vun.

Luke 6:26

“Mihingte in hong phat son ciangin bangza in lauhuai ziam; amate taanghpupite zongh in leilot kamsaangte, tuabang ma in na son uh hi.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.

1 Corinth te 11:19

(No sungah thutangzaw sia a kimu thiang natu in kikhennate ahile a om kul hi.)

1 Corinth te 6:20

ama in note man pia a, hong leisa na hi uh hi. Tua ahikom na pumpi uh sia Pathian minthan natu in zangh tavun.

1 Corinth te 7:23

Pathian in man pia in hong leisa na hi uh hi; tua ahikom mihingte sila na suak heak vun.

Galatia te 2:4

ahizong mihing pawlkhat in vunteap atsak nuam hi. Christ Jesus taw ih kipumkhatna tungtawnin ih nga suatakna thu kan nuamin, hi mite pawlkhat sia ih thu uppuite bangin hong kivawt a, eite sungah thudawpku tu in hong tum ku hi. Amate in eite sila in hong kai nuam hi,

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.

Galatia te 4:17

Tua midangte in note nasia takin hong thinnuammaw hi, ahihang amate tupna le sawmnate pha ngawl hi. Amate ii no hong kin bangin no zongh amate na kin thei natu in, no le kei hong khen nuam ahi hi.

Galatia te 5:20

milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi;

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Ephesus te 4:14

Tuaciangin phuatawm thimthel pilna taw ngualtheam a, a thuhilna uh taw ngual a lampialsak thei te hu in vuivak kikheal pawpo le tui kihual pawpo ii a paipui patangte na hi nawn buatu uh hi.

Thuhil kikna 32:6

A mawmaw, khuangaisut nei ngawl mite awng, hi bangin Topa vawt tu nu ziam? Ama sia no hong Bitphua pa, na pa uh hi a, minam khatin hong vawt pa ahi hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

Colossae te 2:18

Vawttawm kiniamkhiakna le vantunglalangte bia in hong sawl a, mukhol thei tuam a neina hangin thupi a kisate ii hong puavawk tu sia noma le noma na ki oai heak vun. Bangma thu om ngawl bulin tuabang mihingte sia a mihing khua ngaisutna taw kisuangtaak uh a,

Colossae te 2:8

Tua ahikom Christ sung pan ahi ngawl, vaannuai a uk thaa te ii mihingte tungah a piak susuk a mannung ngawl kitheamna, mihing ciimnate taw kuama in sila a hong mat ngawl natu in kikeam tavun.

1 Timothy 5:8

Ahihang khat pawpo in a mealheakte, a tuanin ama innkuanpuite a en nuam bua uh le ama in upna thu a nial suak a, thu um ngawlte sangin sia zaw lai hi.

2 Timothy 4:3

Mihingte in upna thubul maante hong za nuam nawn buatu a, amate deina uh zui in, bilthak liang a, a zaak nop uh thute a son tu syate tam vaial hong khoptua tu hun hong theng tu hi.

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

Titus 3:10

Pawl kikhenna a piangsak mihing khat ii tungah a kidop thei natu, niivei peuma na hil tavun, tua zawkciang ahile, ama taw na kipee nawn heak vun.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

1 Peter 1:8

Ama mu ngeingawl na hi uh hang na it uh a, tu zongh in ama mu ngawl na hi uh hang na um uh hi. Tua ahikomin, kam taw a kison zo ngawl dongin lungdamna lianpi taw nasia takin na lawp uh hi,

2 Peter 2:3

Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!

1 John 2:26

Note hong theam tu a hong kipante ii thu hong at khi hi.

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.

Jude 1:18

Amate in “Ni tawpkhak hun hong thet ciangin, note hong selno tu mihing hong piang tu a, tua mihingte in pathian sel amate ii deinate zui tu uh hi,” hong ci hi.

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.

Thupualaakna 13:14

Nganhing masa sia ii mai ah vawt thei natu thu a nga bangin nalamdang laknate taw leitung mihing theampo theam hi. Tua nganhing in namsau taw kiliamsua napi a nungta lai nganhing sia upat natu in milim khat a vawt natu amate sawl hi.

Thupualaakna 2:13

Satan ii kumpi tokhum a ngakna munah na teen uh kong he hi. A thumaan ka tetti Antipas sia Satan teenna tua munah a kithalup hun dongin, na upna uh na thasua bua uh a, kei tungah nong thumaan uh hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.

Thupualaakna 3:8

Note bang vawt ci sia kong he hi; vaangletna tawm nei hi ci in kong he hi; ka hilnate nong zui uh a, kei tungah nong thumaan uh hi. Na mai uh ah kuama ii kha thei ngawl kongkha khat ka hong zo hi.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.

Thupualaakna 6:10

Amate in awnging tak taw au uh a, “Vaanglianpipa Topa, a thiangtho thumaan pa awng! Leitung ah kote hong that mihingte tungah thu na khen tu le, daan na piak tu sia bang tanvei khuangei lai tu ziam?” ci uh hi.