2 Peter 1:7 - Syin Chin Bible

⁷ Pathian bang hina tungah u le nau ki itna belap vun; tuaciang u le nau ki itna tungah ngual it theina belap vun.

2 Peter 1:7 Iomraidhean Croise

Romete 12:10

Khat le khat Tapidaw unau khat bangin ki it in, khat le khat kizatak vawt vun.

Galatia te 6:10

Tua ahikom hunpha ih nga simin mihing theampo tungah a pha ih seam tu a, a tuan in upna sung a ih innkuanpuite tungah ih seam tu hi.

Colossae te 3:14

Tuaciangin hi kicinna tungsia ah ki itna belap vun, tua in na theampo a cingin pumkhat suak tu in hong hencip hi.

1 Thessalonica te 3:12

Khat le khat na ki itna uh le mihing theampo na itna sungah khangto vaialin, noma kong itna a lian za ma in na ki it natu uh, Topa in hong siam tahen.

1 Thessalonica te 5:15

Khialna sia khialna taw in na thuk heak vun a, khat le khat tung le mihing theampo tungah phatna vawt tu sia hun theampo sungah na tup na sawm uh na hisak tavun.

Hebrew te 13:1

Tapidaw mi unau khat bangin khat le khat ki it tawntung vun.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 2:17

Mihing theampo zatak vawt vun, na thu uppuite it vun, Pathian thasiana nei vun a, Kumpilianpa zakta vun.

1 Peter 3:8

A tawpna ah: note theampo in a kibang ngaisutna le khuaheakna nei tavun; tuaciang khat le khat unau bangin ki it vun. Khat le khat tungah dikin, kiniamkhiak tavun.

1 John 3:14

Eite in ih suapuite it ih hi hu in, thina nusia a, nuntakna sungah theng zo ih hi hunlam ih he hi. Ngual a it ngawl peuma sia thina vaangletna nuai ah om lai hi.

1 John 3:16

Christ in eite atu a nuntakna hong piakna hangin eite in ki itna sia bang ziam ci in ih he hi. Tua ahiciang eite zongh, ih suapuite atu ih nuntakna ih piak ngam kul tu hi!

1 John 4:21

Christ ii eite hong thupiakna in hi sia hi: Pathian a it peuma in a suapuite zongh a it kul tu hi.