2 Peter 1:6 - Syin Chin Bible

⁶ na heakna tungah pumpi ki ukzawkna belap vun; pumpi ki ukzawkna tungah thuak zawkna belap vun; na thuak zawkna tungah Pathian bang hina belap vun;

2 Peter 1:6 Iomraidhean Croise

Pianciilna 5:24

Pathian taw a nuntak sung kithawl khawm a, tuaciang ama bo hi, banghang ziam cile Pathian in ama la hi.

Psalm Late 37:7

Thinsau in Topa sep tu ngak in; a nuamsate le a sia ngealna neite ii maa tutnate hangin thinngim heak vun.

Isaiah 57:1

Miphate thi a, kuama in tua thu tel ngawlin, ngaisut zongin nei ngawl uh hi. Ahihang amate a thi uh ciang, khuangai tuasiatna lian bangma in amate nasak thei ngawl hi.

Luke 21:19

Kip takin ding vun, tuasia ciang noma le noma na kingum tu uh hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.

Romete 15:4

Eite thin sauna le hanthotna tungtawn a, upna ih nei natu in, Laithiangtho sungah a ki atte theampo in eite hong hil natu a ki at ahi hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Romete 8:25

Ahihang ih mu ngawl lai khat muangmaw ih hile, thinsauna taw ih ngak hi.

1 Corinth te 9:25

A kikhomsuan ngawl paakkual lukhu khat a kikhuksak natu in, a kimai khat sim in a sinna sungah a haksa mama kitekna nuai ah kipum aap hi; ahihang eite ih hile, a tawntungin a kip tel atu in ih seam hi.

2 Corinth te 6:4

Na ka sepna sung theampo ah Pathian naseamte ka hina uh ka lakna uh in, thinsau takin ngimna thuak zawkna, haksatna le buainate ka thuak kenkon zaw uh hi.

Galatia te 5:23

kiniam khiakna le eima le eima ki uk zawknate piangsak hi. Hi te a langpan thukham bangma a om bua hi.

Colossae te 1:11

Na theampo thinsauna taw na thuak zawk natu uh in, ama ii minthang vaangletna in note hong thahatsak tahen.

1 Thessalonica te 1:3

Upna na zakzia uh, itna na nei uh hu a, nasia takin na nasepna zia le ih Topa Jesus Christ sungah na lametna uh a kipzia sia ih Pa Pathian mai ah kong phawk uh hang ahi hi.

2 Thessalonica te 1:4

Pathian ii pawlpite sungah no huvau ka kisuantaakna uh sia in hi thu hang ahi hi. Vawtsiatna le ngimna teng theampo na thuak uh kawm panin, thuak zawkna le upna na nei tan uh hu in a kisuangtaak ka hi uh hi.

2 Thessalonica te 3:5

Pathian hong itna le Christ ii hong piak thuak zawkna a thukzaw in na tel thei natu Topa in lam hong pui tahen.

1 Timothy 2:10

biakna kin numeite atu taw a kilawm ngamtat phate taw om tahen.

1 Timothy 2:2

eite nuam takin kilem vadiam in om thei a, Pathian thasia in a kilawm ngamtatna taw ih nuntak thei natu in kumpite le a dang thu nei uliante atu zongh tuabangin na vawtsak natu kong thawn hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

1 Timothy 6:11

Ahihang Pathian mihing ahi nangma in hite theampo na pial in. Thumaan thutanna, Pathian thu sungah nopsakna, upna, itna, thuak zawkna, ciknate na nei zawk natu hanciam in.

1 Timothy 6:3

Ih Topa Jesus Christ ii thumaan kammalte le ih biakna ii hilna taw a kisi ngawl upna thubul tumdang a hil sia in

1 Timothy 6:6

Mihing khat in a nei pawpo taw a lungkim nale biakna paaina in ama sia sumhau mama pa a suaksak takpi ma ahi hi.

2 Timothy 3:5

Amate in ih biakna sia a pua zuunna in nei tu a, ahihang a vaangletna tatak sia nial tu uh hi. Tuabang mihingte kung pan kiheam ta'n.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Titus 1:8

Ama in zindo thiam tu a, a phate dei tu hi. Ama le ama ki uk zo tu a, thutangin, thiangtho in, phinciing tu hi.

Titus 2:2

Pasal khanghaamzawte sia a kilawm bang ngamtatna nei tu, khuangaisun thei tu, amate le amate ki uk zo tu; a upna uh maan tu, ki itna nei tu, tuaciang thuak zawkna a nei natu uh in na hil in.

Hebrew te 10:36

Pathian ii deina bangin na sep thei natu le, ama hong kamciamte na saan thei natu in, na thin na sausak kul tu hi.

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.

Hebrew te 6:12

Na datham tu sia kong deisak bua uh hi, Pathian ii kamciamte na nga natu in, a umte le a thinsaute bang na hi natu in kong deisak uh hi.

Hebrew te 6:15

Abraham sia a thinsau ahikom Pathian ii kamciam teng a saang hi.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

2 Peter 3:11

Hite theampo tuabangin kilalcipsak tu ahile no sia bangbang mihingte na hi tu uh kisamh tu ziam? Na nuntakna uh sia thiangtho tu a, Pathian atu in a ki aaptuam nuntakna hi tu hi,

Thupualaakna 1:9

Keima in na suapuipa John ka hi a, tuaciang Jesus nungzui khat ka hina taw Pathian ngam lua tute ii thuak tu vawtsiatna noma taw a kibangin a thuak kenkon na seppuipa ka hi hi. Kei sia Patmos tuikulh tungah hong kikoi hi, banghang ziam cile, Pathian kammal le Jesus ii hong pualaak thumaan thutak ka thansak hang ahi hi.

Thupualaakna 13:10

Ngalmat tu in a kitavaw peuma kiman takpi tu a, namsau taw thalup tu in a kitavaw peuma namsau taw ma kithatlum tu hi. Hite hu in Pathian ii mihingte tungah thuak zawkna le upna kisamh hi,” ci hi.

Thupualaakna 14:12

Pathian thupiakte ni a, Jesus tungah a thumaan Pathian ii mihingte atu in thuak zawkna kisamh hi.

Thupualaakna 2:2

Na sep teng kong he hi; bangza in haksa mama in naseam a, thin uai takin na om sia kong he hi. Mi ngilote dual thei ngawlin, sawltak hi ngawl napi ka hi uh hi a cite zongh na sit uh a, ahi ngawl uh hunlam na tel zawkciangin, leilot mihingte hi ci in na mu uh zongh kong he hi.