2 Peter 1:4 - Syin Chin Bible

⁴ Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.

2 Peter 1:4 Iomraidhean Croise

Romete 9:4

Amate in Pathian ii mihingte hi uh a; ama in amate sia a tapate suaksak in, a minthanna kilanghsak hi; amate taw kamciamna vawtin Thukham pia hi; amate in a maan biakpiakna nei uh hi; amate in Pathian kamciam saang uh hi.

2 Corinth te 1:20

Banghang ziam cile, Pathian kamciam theampo tungah “Hi” a ci pa ahi hi. Hi thu hangin Jesus Christ tungtawnin, Pathian minthanna ah “Amen” ka ci uh hi.

2 Corinth te 3:18

Tua ahikom eite theampo in, a kisiin ngawl maitangte taw Topa vaangletna kilanghsak vun. Thaa ahi Topa kung pan hong pai tua vaangletna sia ma in a nasia vaial vaangletna sungah ama ii pianzia bangin eite hong kheal hi.

2 Corinth te 6:17

Tuaciangin Topa in, “Amate nusia nanak in a, amate taw kikhen tavun. A thiangtho ngawlte taw kipeena bangma nei heak vun, tua hile note kong saang tu hi, ci hi.

Galatia te 3:16

Tu in, Pathian in Abraham le ama ii suan pa tungah kamciamte pia hi. Laithiangtho in mihing a tam cina a lak “a suan a paalte” ci kammal zangh ngawlin, mihing khat bek a cinopna “a suan” ci kammal sia Christ a cinopna hi.

Galatia te 6:8

Ama in leitung pumpi deina lo sungah a poai le, tua mun panin thina an kaikhawm tu hi; Thaa ii deina lo sungah a poai le Thaa panin tawntung nuntakna an kaikhawm tu hi.

Ephesus te 4:13

Pathian Tapa ih heakna le ih upna sungah pumkhat ih sua natu in eite theampo ih kingawmkhawm tu hi; mihing puicingte ih suak tu a, Christ ii tun tan le a phakcia ih banto tu hi.

Colossae te 3:10

a thak nuntakna zia na silh zo uh hi. Tua in, a kicing takin ama ih heak seseam natu in, Bitphuapa Pathian ii ama a suun tu in hong thaksua tawntung nuntakna thak ahi hi.

Hebrew te 12:10

Ih leitung pate in pha a sak uh ciaciang, tawmvei sung daan hong pia hi; ahihang Pathian in, ahile, ama thianthona ih siim thei natu in eima phattuam natu a vawt ahi hi.

Hebrew te 9:15

Tawntung thupha Pathian kamciamte a saan thei natu in, Pathian sapsa mihingte atu, Christ in thuciam thak khat hong vawtsakna in, hisia hang ahi hi. Hisia kipiangsak thei hi, banghang ziam cile thina khat om a thuciam masa sia a om kimlai ma in, mihingte a khialnate pan tua thina in suaktasak hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 3:13

Ahihang ko ka hi uh le, Pathian kamciam omsa sia ka ngak uh hi: thumaan thutang a om tawntung natu mun, vantung thakte le leitung thak ka ngak uh hi.

2 Peter 3:9

Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.