2 Peter 1:21 - Syin Chin Bible

²¹ Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.

2 Peter 1:21 Iomraidhean Croise

2 Samuel 23:2

Topa ii thaa in kei tungtawnin pau hi; ama ii thu puak sia ka muk tungah om hi.

1 Kumpite 13:1

Topa ii sawlna taw Judah panin kamsaang khat Bethel ah hong pai a, sangaw biakpiakna pia tu in Jeroboam biaknatau mai ah hong din laitak hong theng hi.

1 Kumpite 17:18

Ama in Elijah munah, “Pathian mipa awng, banghangin hi bangin kei hong vawt ni ziam? Hi sungah nong pai sia ka mawna teng Pathian in phawksak a, ka tapa thi natu in hong vawt ni ziam?” ci hi.

1 Kumpite 17:24

Ama in, “Tu ahile nang sia Pathian ii mi khat hi a, tuaciang Topa in nang tungtawnin hong pau takpi hi, ci in hong he khi hi,” ci in zo hi.

2 Kumpite 4:22

Tua zawkciang ama in a pasal samin, ama munah, “Naseamte khat hi sungah laa taw hong paisak ta'n. Kamsaang pa Elisha kungah ka pai kul tu hi. A manlang thei belin hong heak kik tu khi hi,” ci hi.

2 Kumpite 4:7

Ama kamsaangpa Elisha kungah pai kik a, kamsaang pa in ama munah, “Olive thaute zuak tavun a, na leiba theampo lo tavun, tuaciang nang le na tapate kivaak khom natu in sum a khomkhat ma hong vaal lai tu hi,” ci hi.

2 Kumpite 4:9

Ama in a pasal munah, “Hi sungah hong pai tawntung pasal sia mi thiangtho khat hi vangiat tu hi.

2 Kumpite 6:10

Tua ahikom Israel kumpipa in tua mun nai ah a om mihingte munah kidop natu thu puak hi, tuaciang amate sia ngal nang tu kithoai sa in om uh hi. Hi bangin tamvei ma hong piang hi.

2 Kumpite 6:15

A khuavak ni zing tuungin Elisha ii naseampa hong tho a, inn pua ah pusuakin khua a et ciang, khua kiimkot ah ngalkapte, siphu ngalleangte le siphute mu hi. Ama in inn sungah tum kikin, Elisha munah, “A lal hi zo hing, topa awng, bang ih law tu ziam?” ci hi.

1 Khangtaanghthu 23:14

Ahizong Pathian mihing Moses ii tapate sia Levi te sungah kihel hi.)

2 Khangtaanghthu 8:14

A pa David ii zui tu a vawt ngeinate zui in thiampite ii ni sim a nasep tu le lasakna le a nasepna ah thiampite a hu Levi mite ii a nasep tu sia ama in vaihawmsak hi. Pathian mi David ii thupiak bangin biakinn cingte in a vaipuak neina kongpi tek ah ni sim a nasep natu in pawl khensak hi.

Jeremiah 23:26

Tua kamsaangte in amate phuatawm leilot thute taw ka mite bang tanvei lam khialsak tu uh ziam?

Ezekiel 1:3

Chebar ngunhui tua Babylon ngamah, Topa hong paupuina ka za a, ama ii vaangletna ka phawk hi.

Micah 1:1

Judah kumpite ahi Jotham, Ahaz le Hezekiah te ii maan laitakin Moresheth khua mi Micah tungah Topa in hi thupuak pia hi. Samaria le Jerusalem taw kisai in Micah tungah Topa in hi thu teng pualaak hi.

Micah 3:7

Mailam atu a sonkholte, a son bang a taangtut ngawl hu in minsia tu uh hi. Amate theampo ki enthaw tu hi, banghang ziam cile Pathian in amate ci bangin zo ngawl hi.

Mi Simna 16:28

Moses in mipite tungah, “Hi bang teng seam tu in Topa in kei hong sawl a, keima deiteal bangin a seam ka hi ngawlna thu na heak natu uh ahi hi.

Mark 12:36

Thaa Thiangtho in David sia hi bangin pausak hi: ‘Topa in ka Topa tungah: Na ngalte na peang nuai ah kong koisak mateng, hi sung ka ziatsang ah hong to ta'n ci hi.’

Luke 1:70

Taanghlai in a kamsaang thiangthote tungah,

Sawltakte 1:16

“Ka suapuite awng, Thaa Thiangtho in David tungtawnin, Jesus a man tute, lam a lak Judas huvau a sonkholna laithiangtho kammalte a taangtut kul hi.

Sawltakte 28:25

Tua ahikom, amate kithukim thei ngawlin, Paul ii hi bangin, a ci zawkciang nusia uh hi. “Thaa Thiangtho in, Isaiah kamsaangpa tungtawnin, na taanghpupite tungah a sonna sia bangza in pha ziam!

Sawltakte 3:18

Pathian in nidang lai pekin, kamsaang theampo ii muk panin, Messiah in a thuak kul tu hi, ci in a thu thangsak khol zo hi; tuaciang hi bangin tungsak hi.

Thuhil kikna 33:1

Hite sia Pathian ii teal pa Moses in a thi ma in Israel mite tungah a thansak thuphate ahi hi.

Hebrew te 10:15

Tuaciangin Thaa Thiangtho zongh in, ama ii tetti panna hong pia hi. Hi bangin ci masa hi,

Hebrew te 3:7

Tua ahikom Thaa Thiangtho ii cina taw kizui in, “Tuni in Pathian aw na za uh le,

Hebrew te 9:8

Puanbuk puanung sia a kip in a om laitengin Thiangthobel Mun kihong ngawl lai hi, ci in Thaa Thiangtho in thiang takin hil hi.

Joshua 14:6

Ni khat ni in Judah nam pan mihing pawlkhat sia Gilgal, Joshua kungah hong pai hi. Amate sung pan khat Keniz mi Jephunneh tapa Caleb in, “Kadesh Barnea ah Topa in nang le kei huvau Pathian mihing ahi Moses tungah a ci teng na heak hi.

1 Peter 1:11

Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.