2 Peter 1:2 - Syin Chin Bible

² Pathian le Jesus, ih Topa na heakna uh tungtawnin, thuthiamna le thinnopna kicing sia no aa hi tahen.

2 Peter 1:2 Iomraidhean Croise

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Daniel 4:1

Nebuchadnezzar kumpipa in leitung ah a om ngam theampo, minam theampo le paunam theampo pan mihingte tungah a nuai a bang thu puak hi: “Kong nukset hi!

Daniel 6:25

Tua zawkciang Darius kumpipa in ngam theampo, minam theampo le paunam theampo pan mite tungah laithak hi: “Kong nukset hi!

Luke 10:22

“Ka pa in na theampo kei hong pia zo hi. Tapa akua ziam ci sia Pa simngawl kuama in a he bua hi, tuaciang Pa akua ziam ci sia Tapa le Tapa ii heaksak tu in a tealte ngawl po in a he bua hi,” ci hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

Romete 1:7

Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi. Ih Pa Pathian le ih Topa Jesus Christ in thuthiamna le thinnopna hong pia tahen.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

2 Peter 1:5

Hi thu hang mama in, na hi thei tawpin phatna sia na upna tungah belap vun; na phatna tungah heakna belap vun;

2 Peter 1:8

Hi kicinnate sia na kitaangsap uh hi a, tuaciangin tuate tam mama na nei uh le, tua teng in no sia ih Topa Jesus Christ heakna sungah a diang zo tawntung le a muibunin hong nungtasak tu hi.

2 Peter 2:20

Mihingte in, leitung siatna thahatnate sung pan, ih Topa le ih Hunpa Jesus Christ heakna taw suakta zo hi napi, tuate ma in man kik a, zosak kik ahile, tuabang mihingte sia a kipat lai sangin a tawpna ah, a sia zaw mun theng hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.

Jude 1:2

Hesuakna, thinnopna, ki itna a kicingin note aa hi tahen.

Thupualaakna 1:4

Asia ngamkhen sung a om pawlpi salite tungah, John in lai kong thaak hi: A om nginge, a omsa le hong pai pheang tu Pathian kung pan, a kumpi tokhum mai ah thaa sali te kung pan le