16 Ih Topa Jesus Christ ii vaangletna taw hong pai natu thu kong heaksak ciangin, phuatawm taanghthute ka sisanh bua uh hi. Ama ii letna sia ka mit uh taw ka mu sa uh ahi hi.
Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi.
Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.
Jesus in Olive Mual tungah a to laitakin, a nungzuite ama kungah hong pai tuam uh hi. “Hi thu sia bang hun ciangin hong tung tu a, tuaciang nong pai kik tu hun le hun bo tu hun, a lak tu in bang hong piang tu ziam?” ci in dongh uh hi.
Mihing a om theampo in Pathian ii a lian mama a vaangletna lamdang sa uh hi. A vawt theampo mihingte in lamdang a sak laitakin, Jesus in nungzuite munah hi bangin ci hi.
Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.
Christ in tuiphum tu in kei hong sawl bua hi. Ama in Lungdamna Thupha son tu in, hong sawl hi, tuaciang thinglamtee tungah Christ a thina ii vaangletna a bo thong ngawl natu in, mihing ciimna kam zangh ngawlin son tu in hong sawl hi.
Ko ka hi uh le thinglamtee tung a kithat Christ thu ka thangsak uh a, tua thu sia Jew te atu in a maktak huai thu le Gentile te atu in a luithawthong thu ahi hi;
Kote sia Pathian thu takpi vanh ngina ngawl te zuak bangin a son midang tam mama te taw ka kibang bua uh hi; ahihang Pathian in hong sawl ahikom, thinsung maan tak taw ama mai ah Christ ii naseamte bangin thu ka son uh hi.
Thuku theampo le a maizumhuai ngamtat nate theampo ka vawk uh hi; theamna taw na ka seam bua uh a, Pathian ii kammal zongh leilot thu ka suaksak bua uh hi. Pathian muna ah thumaanna ii a kicing khuavak sungah ka nungta uh a, mihing sim ii a pha in a tel thei natu ka hanciam uh hi.
Tuaciangin phuatawm thimthel pilna taw ngualtheam a, a thuhilna uh taw ngual a lampialsak thei te hu in vuivak kikheal pawpo le tui kihual pawpo ii a paipui patangte na hi nawn buatu uh hi.
Ama in a thazawm a thithei ih pumpite sia na theampo ama uk sung a thet natu, a vawt theina vaang zangh a, ama ii vaang nei pumpi taw kibangin hong vawt tu hi.
A huamin ci leang, note sia — ngualdang hi ngawl! — note sia kote lametna, lungdamna le zawna ka nga uh hu in Topa Jesus hong pai ciang, ama mai ah ka kisuantaakna na hi tu uh hi.
Kinialna bek a piangsak taanghthute le taanghpupite khang tepteena saute a vawk natu in na son in; tuate in upna taw a kihe Pathian ngealna taangtut natu in kizangh ngawl hi.
Ahihang a son thamman ngawl, Pathian ii thu taw a kisi ngawl phua tawm taanghthute pan na kikeam ta'n. Pathian dei bang na nuntak zawk natu in kisinna nei ta'n.
Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!
En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!