2 Peter 1:11 - Syin Chin Bible

¹¹ Hisia tungtawnin ih Topa le Hunpa Jesus Christ ii tawntung Kumpi ngam sungah tum thei natu thu a cingin no hong kipia tu hi.

2 Peter 1:11 Iomraidhean Croise

Psalm Late 145:13

Na ukna kip tawntung a, nang sia a tawntungin kumpipa na hi hi. Topa in a kamciamnate tungah thumaan a, a ngamtatna sung theampo ah hesuak thei hi.

Psalm Late 36:8

Tam mama nong piak ante ne in nuam ka sa uh a, na phatna sia nguntui bangin nong dawnsak thei hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Isaiah 35:2

Sennealngam in lasa in, lungdam in au tu hi; Tuasia in Lebanon mualte bangin et hoi a, Carmel le Sharon lote bangin lei pha tu hi. Mihing theampo in Topa ii a nasiatna, a letna le a vaangletnate mu tu uh hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

John 10:10

Ngutapa ahile a ngu tu, a that tu le a susia tu bekma in hong pai hi. Kei kong paina sia, nuntakna na nga natu uh le a kicing nuntakna na nga thei natu uh ahi hi.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

1 Corinth te 15:24

Tuasia ciang a tawpna hong theng tu hi; Christ in thaa lamsang ah a ukte, thuneite, vaangletna a neite theampo zo tu a, tuaciangin a Kumpi Ngam sia Pa Pathian tungah aap tu hi.

2 Corinth te 5:1

Banghang ziam cile, hi ih teenna buk — hisung leitung ah ih pumpi kisia le — a tawntungin a kikhomsuan tu, eite teen natu Pathian in vantung ah inn khat nei tu hi ci in ih he hi.

Ephesus te 3:20

Ih sungah a vaangletna taw hong sep hu in, ei ii nget thei le ngaisut theiza sangin tamzaw pek a seam thei pa:

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

2 Timothy 4:18

Topa in kei sia siatna theampo panin, hong suatak tu a, ama Vantung Ngam sungah muanhuai takin hong lato tu hi. Ama tungah vaangletna a tawntung le a tawntungin om tahen. Amen.

2 Timothy 4:8

Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong pai kik tu itna taw a ngakte theampo zongh pia tu hi.

Hebrew te 6:17

Ama ii kamciam a piakte, a saang tute tungah, Pathian in a tup a sawmna peal ngeingawl hi, ci in thiang takin telsak nuam ahikom a kamciamte sia, kiciamna taw in belap hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 1:5

Hi thu hang mama in, na hi thei tawpin phatna sia na upna tungah belap vun; na phatna tungah heakna belap vun;

2 Peter 2:20

Mihingte in, leitung siatna thahatnate sung pan, ih Topa le ih Hunpa Jesus Christ heakna taw suakta zo hi napi, tuate ma in man kik a, zosak kik ahile, tuabang mihingte sia a kipat lai sangin a tawpna ah, a sia zaw mun theng hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”