2 Peter 1:1 - Syin Chin Bible

¹ Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 1:1 Iomraidhean Croise

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Jeremiah 33:16

Judah mite le Jerusalem mite sia kisuatak tu a, ngam muangin teang tu uh hi. Tua khuapi sia ‘Topa, Eite Ngupna’ kici tu hi.

Matthew 10:2

Nungzui sawm le nii teng sia hi teng ahi hi; a masa phit in Simon (Peter zongh kici) le a suapuipa Andrew, Zebedee ii tate James le a suapuipa John;

Matthew 4:18

Galilee tuili hui ah a va laitakin, Jesus in ngasa mante ahi unau nii Simon (Peter kici) le a suapuipa Andrew, tuili sungah ngeen khat taw ngasa manin a om mu hi.

Luke 1:47

Pathian ka Ngumpa hangin ka thaa lungdam hi.

Luke 11:49

Hi thu hu in Pathian ii Ciimna in hi bangin ci hi. ‘Kamsaangte le kamtaite ka paisak tu hi. Amate in pawlkhat thatlum tu a, a dangte vawtsia tu uh hi.’

John 1:42

Tua zawkciang ama in Jesus kungah Simon paipui hi. Jesus in ama en in, “Na min sia Simon hi a, John ii tapa ni hi, ahihang nang sia Cephas hong kina tu hi,” ci hi. (Cephas ii khiakna sia Peter ma hi a, “suangpi khat” a cinopna hi.)

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 20:21

Jesus in, “Note sungah thinnopna om tahen,” “Pa ii kei hong sawl bangma in, kei in note kong sawl hi,” ci kik hi.

Sawltakte 15:14

Amate sung panin, ama atu minam tuam khat a laakna taw Pathian in Gentile te a thinbotna a lak phitna thu sia, Simon in a son zawk bek ahi hi.

Romete 1:1

Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.

Romete 1:12

Ka cinopna pan kei upna hu in note phat tuamna nga in, note upna hu in kei zongh phat tuamna nga tu a, hun khat sungah a kihu tetek ih hina thu ka son nopna hi.

Romete 1:17

Banghang ziam cile lungdamna thupha in Pathian le mihingte bangbangin kilemzawng thei tu ziam ci in hong pualaak hi: a patna panin a tawp dong upna tungtawnin a piang ahi hi. Laithiangtho sungah “Upna tungtawnin Pathian mai ah thutang a kisuaksak sia in nungta tu hi,” ci hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

1 Corinth te 15:9

Banghang ziam cile keima in sawltak sung panin a nobel ka hi a — sawltak khat ci in minpu tu zong ka kilawm bua hi, banghang ziam cile Pathian ii pawlpi ka vawtsia ngei hi.

1 Corinth te 9:1

Keima sia a suakta mihing khat hi ngawl khi ziam? Sawltakpa khat hi ngawl khi ziam? Ih Topa Jesus mu ngei hi ngawl khi ziam? Topa atu ka sepna ii a nga sia note hi ngawl nu ziam?

2 Corinth te 4:13

Laithiangtho in, “Um ka hikomin ka son hi,” ci hi. Tua upna thin bangma in kote zongh in um ka hi uh hu in, ka son uh hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Galatia te 2:8

Banghang ziam cile Pathian ii vaangletna taw kei sia Gentile te atu in sawltak ka hi a, Peter sia Jew te atu in sawltak ahi hi.

Ephesus te 3:5

Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi.

Ephesus te 4:11

“Mihingte tungah, letsong hong pia sia” ama ahi hi, pawlkhatte sawltak nasep, pawlkhat sia kamsaang nasep, a dangte thupha puak nasep, pawlpi keam le lai hil sya nasep pia hi.

Ephesus te 4:5

Topa khat, upna khat, baptize na khat om hi.

Philippi te 1:1

Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

Philippi te 1:29

Ama um bek ngawlin, ama hang a ngimna na thuakna uh taw, Christ atu nasep thei natu in hamphatna nga na hi uh hang hi.

Philippi te 3:9

Thukham zuina taw a kinga theite nam ahi keima aituam thutang suana khat sia ka nei nawn bua hi. Christ ih upna tungtawnin hong kipia, Pathian kung pan hong pai upna a kibulphu thutang sia tu in ka nei zo hi.

2 Timothy 1:5

Na pi Lois le na nu Eunice te zongh ii a nei bang a na nei thintak upna sia ka phawk hi. Nang zongh tuabang ma in nei tu ni hi ci in kong muang tatak hi.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Titus 1:4

Ih nei khop tek upna sungah ka tapa tatak ahi Titus tungah lai kong at hi. Pathian le ih Hunpa Christ Jesus in, thuthiamna le thinnopna hong pia tahen.

Titus 2:13

A lian ih Pathian le Hunpa Jesus Christ minthanna taw hong kilangh tu ih lam et thupha hong tun Ni ngak in, ih om laitak tuabangin ngamta tawng.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 Peter 2:7

No a umte atu in hi suang sia man nei mama hi; ahihang a um ngawlte atu in: inn sate ii mannung a sak ngawl, a nial suang sia a vekpi sung pan a thupibel hong suak hi,” ci hi.

1 Peter 5:1

Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

2 Peter 1:4

Hi bangin hong kamciamsa ahi a lian mama le a manpha letsongte sia, leitung ah a om hong lalsak thei cii le sa deina pan suatakna na nga thei natu le ama pianzia na siim thei natu in hong piak ahi hi.

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi: