1 Samuel 9:4 - Syin Chin Bible

⁴ Amate in Ephraim mualtung ngam teng le Shalishah ngamkhawk sung teng zong uh a, a zon uh hang a mu bua uh hi; tua ahikom amate in Shalishah ngam khawk kaantan in pai lai ahihang a laa om ngawl hi; tuasia ciang Benjamin ngam zongh kaantan ahihang a mu peang bua uh hi.

1 Samuel 9:4 Iomraidhean Croise

Pianciilna 33:18

Jacob sia Mesopotamia pan hong heak kik ciang Canaan ngam Shechem khuapi ciidam takin hong theng a, tua khuapi hui lo khat sungah ngiaphual saat hi.

2 Kumpite 4:42

Hun dang khat ciang, Baal Shalishah panin pasal khat hong pai a, tua kum in a lak anpal mangtaang taw a vawt anluum luum kul le a balh tawm vaimim ngap pawlkhat hong paipui hi. Elisha in a naseampa munah tua kamsaangte, tuate taw vaakin sawl hi,

John 3:23

Salim pan a kikhuala ngawlna Aenon ah tui tam ahikom John in tui sungah tuiphumna pia hi. Mihingte in ama zuan uh a, tuaciang ama in, tuiphum hi.

Joshua 19:42

Shaalbim, Aijalon, Ithlah,

Joshua 24:33

Aaron tapa Eleazar thi a, Ephraim mualtung ngam ah a om, a tapa Phinehas tungah a kipia Gibeah khua ah kiphum hi.

Thukhente 17:1

Khatvei lai in, Ephraim mualtung ngam a teang Micah a kici pasal khat om hi.

Thukhente 19:1

Tua hun lai Israel kumpi a nei ma in, Ephraim mualtung ngam pek ah Levi te khat teang hi. Ama in Judah ngam Bethlehem khua panin numei khat a zino tu in la hi,

1 Samuel 1:1

Ephraim mualtung ngam Ramah khua ah Ephraim nam ahi Elkanah a kici pasal khat om hi. Ama sia Jeroham ii ta, Elihu ii tupa hi a, Tohu baangkua, Zuph bee le phung sung pan ahi hi.

1 Samuel 9:3

Kish ii laate pawlkhat vakthap a, tua ahikom ama in Saul munah, “Naseamte khat taw ih laa va zong ta'n,” ci hi.