1 Samuel 8:9 - Syin Chin Bible

⁹ Tuabang ahikom, amate thu ngai in a, ahizong a kumpipate in amate bangbangin vawt tu ziam ci sia a kidop khol natu a pha tatakin son in,” ci hi.

1 Samuel 8:9 Iomraidhean Croise

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Ezekiel 3:18

Mihing ngilo khat a thi tu in ka taangko a, ahihang a nuntakna a ngup natu in a ngamtatna kikheal natu na son bua ahile, ama sia mimaw ma in a thi tu hi, tuaciang ama ii thina sia nang tungah hong kisiik tu hi.

Ezekiel 46:18

Kumpipa in a mite ii neisa te peuma laaksak ngawl tu hi. Ama in a tapate tungah a piak leitang khat pawpo sia ama atu a kikoisia sung pan bek hi tu a, tua hile, ama in ka mite khat pawpo sia amate leitang laaksakna taw zothaw ngawl tu hi.

1 Samuel 10:25

Samuel in kumpipa khat ii sep thei te le a vaipuakte mipite tungah sonthiangin, laibu sungah a at zawkciang a thiangtho mun khat ah koi hi. Tua zawkciang ama in a kuama theampo inn tek ah ciasak hi.

1 Samuel 12:1

Tuaciang Samuel in Israel mite munah, “Nong nget uh theampo hong vawtsak zo khi hi. Kumpipa khat no hong uk tu in hong pia zo khi hi,

1 Samuel 14:52

A nuntak sung tawntung Saul in Philistine te hangsan takin a sim kul hi. Tua ahikom a thahat, a hang pasal khat a mu na le ngalkap tumsak hi.

1 Samuel 2:13

tua bek dom ngawlin thiampite ii mipite tung pan a nget thei tu te a nadon bua uh hi. Tua taangin mihing khat ii sangaw biakpiakna a om ciangin thiampi pa ii naseampa in kaa thum nei thiktung zum khat taw hong pai uh hi. A sa a kihuan saan laitakin

1 Samuel 8:8

Egypt panin amate ka pusua pui pan kipan, amate in kei hong nusia in pathian dangte bia uh hi; kei tungah hong vawt tawntung teng tu in nang tungah hong vawt hi.