1 Samuel 7:9 - Syin Chin Bible

⁹ Samuel in tuuno khat ngoin, a bupin hal a, Topa tungah sangaw biakpiakna nei hi. Tua zawkciang ama in Topa ii Israel te a hu natu thungen a, tuaciang Topa in a thungetna zo hi.

1 Samuel 7:9 Iomraidhean Croise

Psalm Late 50:15

Ngimna hong pai ciangin keima hong ko tavun; Noma kong hun tu a kei nong pok tu uh hi.”

Psalm Late 99:6

Moses le Aaron in ama ii thiampite hi a, Samuel sia ama tungah thu ngen pa ahi hi; amate in Topa biakpui a, ama in zo kik hi.

Jeremiah 15:1

Tuaciang Topa in kei tungah, “Moses le Samuel ngawngawn hi munah dingin ka tungah hesuak hong ngen hial zongh in, hi mihingte tungah hesuakna ka nei tuan buatu hi. Amate paisak vun; ka muna ah omsak heak vun.

Thuhil kikna 9:26

Tuaciang keima in, ‘Vaanglianpipa Topa awng, na thahatna le na vaangletna taw Egypt pan pusua in, na suatak sa na mite mon heak in.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

Thukhente 6:26

Topa na Pathian atu in biaknatau khat leivum tungah a pha takin sa in. Tuaciang khuital a niina sia la in, biakpiak na in a bup in hal in, Asherah thingngel na phuktan sia thing in thut in,” ci hi.

Thukhente 6:28

Tua khua mite a zing ciang zingtuungin hong thaw uh ciang, Baal biaknatau le Asherah lim a kiphuktan teng le, tuaciang khuital a niina sia a saksa biaknatau tungah biakpiakna in a kihal mu uh hi.

1 Samuel 10:8

Keima mai Gilgal ah na paikhol tu a, tua munah ih kimu tu hi, tuaciang meihal sangaw biakpiaknate le pawlkhop sangaw biakpiaknate ka pia tu hi. Keima hong pai in, na sep na vawt tu teng kong son dong ni sali hong ngak tu ni hi,” ci hi.

1 Samuel 12:17

Tu hun sia khuakhaal laitak hi kana ngawl ziam? Ahihang thu kong ngen tu a, Topa in vanto sakin nguatui hong puak tu hi. Hi bangin hong pian ciang kumpipa khat na nget uh sia Topa tungah nasia takin maw na hi uh hunlam na kiphawk tu uh hi,” ci hi.

1 Samuel 16:2

“Banghang tuabangin ngamta thei tu khi ziam, Saul in tua thu za le keima hong that tu hi,” ci in Samuel in dongh hi. Topa in, “Khuino khat keng in a Topa tungah sangaw biakpiakna tua munah ka vawt tu ci in.

1 Samuel 2:35

Vawt le ka oai theampo vawt a, kei tungah hong thumaan tu thiampi dang khat ka teal tu hi. Ama sia suan le paal ka pia tu a, amate in ka teal kumpipa omna ah seam tawntung tu uh hi.

1 Samuel 7:17

Tua zawkciang ama sia Ramah ah cia kik in, tua munah thukhenmang seam hi. Ramah ah Topa atu biaknatau khat saa hi.

1 Samuel 9:12

Ngaknute in, “Om hi, ama sia noma mai hiat ma ah pai hi. Manlang le uhte pha lai tu nu hi. Khua sung na tum uh po ciang ama mu tu nu hi. Ama sia khua sungah tuni in hong theng hi, banghang ziam cile mipite in mualtung biaknatau ah sangaw biakpiakna nei nuam hi. Tua munah a kisam mite sia ama thet mateng an ne ngawl tu hi, banghang ziam cile ama in tua biakpiakna sia thupha a piak phot kul hi. Tu laitakin pai le uhte mual tungah an ne tu in a kaato ma in kimu thei tu nu hi,” ci uh hi.