1 Samuel 7:5 - Syin Chin Bible

⁵ Tua zawkciang Samuel in Israel te theampo Mizpah ah kisitua tu in sam a, hi bangin ci hi, “Tua munah no atu in Topa tungah thu ka ngen tu hi.”

1 Samuel 7:5 Iomraidhean Croise

Pianciilna 20:7

Ahihang tu in, numeinu sia a pasal aap kik in. A pasal sia kamsaang khat hi a, na thi ngawl natu in thu hong ngetsak tu hi. A zi na pia kik bua ahile nangma a kipan na mite theampo na thi siat natu thu kong telkholsak hi,” ci in zo kik hi.

Pianciilna 31:49

Laban zongh in, “Eite khat le khat ih kikhen hangin Topa in ei hong mitsuan tahen,” ci hi. Tua ahikom tua mun zongh Mizpah ci in min phuak hi.

2 Kumpite 25:23

Ngalte khut sungah a tum ngawl Judean ngalkap maangte le ngalkapte in hi thu a zaak ciang Mizpah ah Gedaliah taw kikop uh hi. Hi ngalkap maangte sia Nethania ii tapa Ishmael, Kareah ii tapa Johanan, Netophah khua pan Tanhumeth ii tapa Seraiah le Maacah pan Jezaniah te ahi uh hi.

Nehemiah 9:1

Tua tha ni 24 ni in, a mawnate hangin khuangaina lakna in antang tu in Israel mite kikhawm uh hi. Amate sia ngamdangmite theampo taw kikhen zo uh hi. Amate in a khuangai lakna in khau-ip puan silhin a lu tungah leivui poai uh hi. Tua zawkciang dingin amate le a taanghpupite mawnate a pualaak tu kipan uh hi.

Jeremiah 40:6

Mizpah ah Gedaliah taw om tu in ka pai a, ngam sungah a taanglai mite sungah ka teang hi.

Hosea 5:1

“No thiampite awng, hi thu ngai vun! Israel mite awng, nadon vun! Kumpi bangkua sung a omte awng, ngai vun! No sia, thutang khen tu in hong kituat ahiciang — no tungah thukhenna hong theng tu hi! Note in Mizpah ah thaang khat, Tabor mual tungah ngen kikhak khat,

Joel 2:16

Mite khawmtua vun; a thiangtho kikhop natu in kithoaisak vun; khanghaamte hong paipui tavun; patangte le nausente zongh khawmtua vun. A kiteang tuung nupate zongh a inn nusia in hong pai uh kul tu hi.

Joshua 15:38

Dilean, Mizpah, Joktheel,

Joshua 18:26

Mizpah, Chephirah, Mozah,

Thukhente 10:17

Tua zawkciang Ammon ngalkaphonpi sia Israel te sim tu in Gilead ah ngiaphual saat hi. Israel mite zongh hong kikaitua uh a, Gilead ngamsung Mizpah ah ngiaphual saat uh hi.

Thukhente 20:1

Israel mite theampo saksang ah Dan pan thang sangah Beersheba dong le, nisuana sang ah Gilead ngamte dongin tua ngalkona sia za in saang uh hi. Amate in Topa ii mai Mizpah ah pumkhat in hong kikhawm uh hi.

1 Samuel 10:17

Samuel in Mizpah ah mipite biakkikhop khat sam a,

1 Samuel 12:17

Tu hun sia khuakhaal laitak hi kana ngawl ziam? Ahihang thu kong ngen tu a, Topa in vanto sakin nguatui hong puak tu hi. Hi bangin hong pian ciang kumpipa khat na nget uh sia Topa tungah nasia takin maw na hi uh hunlam na kiphawk tu uh hi,” ci hi.

1 Samuel 12:23

Kei ka hile note atu thunget nawn ngawlna taw ama tungah mawna ka vawt ngawl natu Topa in thu hong pia hi. No vawt tu a pha le a maan thute kong hil zaw tu hi.

1 Samuel 7:12

Tua zawkciang Samuel in suangtum khat la in Mizpah le Shen kilaklaw ah phut in, “Topa in lam tawntung hong hu hi” ci in a min sia “Huna Suangpi” (Ebenezer ) vaw hi.

1 Samuel 7:16

Kum simin ama in Bethel, Gilgal, le Mizpah ah paikot in hi munte ah kamtam kinialnate thu khensak hi.

1 Samuel 7:4

Tua ahikom Israel mite in Baal le Astarte ii milim theampo vawkin Topa bek bia uh hi.

1 Samuel 8:6

Samuel sia amate ii kumpipa khat a ngetna huvau lungkim ngawl hi; tua ahikom ama in Topa tungah thungen hi,