1 Samuel 7:2 - Syin Chin Bible

² Topa ii Thuciamna Thingkuang sia Kiriath Jearim ah khuangeipi om a, kum kul bang om hi. Hisia hun sung tawntung Israel te theampo in Topa tungah hu ngen in au uh hi.

1 Samuel 7:2 Iomraidhean Croise

1 Khangtaanghthu 13:3

Tua zawkciang eite pai in, Saul ii kumpi a sep lai a, a ki awlmawk ngawl Pathian ii Thuciamna Thingkuang sia ih la tu hi,” ci in taangko hi.

1 Khangtaanghthu 13:5

Tua hi a, David in Israel ngamsung theampo, thangsang Egypt ngamngi pan saksang Hamath Mualciangh dong ah a teang Israel mite Kiriath Jearim pan Jerusalem khuapi ah Thuciamna Thingkuang paipui tu in kikhawmsak hi.

Jeremiah 26:20

(Kiriath Jearim khua pan Shemaiah ii tapa Uriah a kici midang khat om hi. Ama in Jeremiah bang keak ma in Topa min suangin hi khuapi le minamte son sia hi.

Jeremiah 3:13

Na khialna le Topa na Pathian na langpannate thiang takin pualaak po in. Thingkung hing theampo ii nuai ah ngamdang pathiante na thangaina taw kong thupiakte na nit ngawlnate pualaak in. Topa keima in ka son zo hi.

Jeremiah 31:9

Ka mite lampui in ka heakpui kik laitak amate kap kawm, thungen kawmin hong heak kik tu uh hi. Tui omna lui ah amate lam ka pui tu a, lam nuamna ah amate lutu ngawl tu uh hi. Keima in Israel te ii pa khat bang ka hi a, Ephraim sia ka tapa lianbel ahi hi,” ci hi.

Matthew 5:4

“A thuum a taute in mihing lungdamte ahi uh hi! Pathian in amate heeneam tu hi.

Joshua 9:17

Tua ahikom Israel te dingkhia in ni thum a pai zawkciang hi mite ii teenna khuapi ahi Gibeon, Chephirah, Beeroth, le Kiriath Jearim ah theng uh hi.

Thukhente 2:4

Vantunglalang in hi teng a ci zawkciang, Israel mite theampo kap hi,

1 Samuel 7:1

Tua ahikom Kiriath Jearim mite in Topa Thuciamna Thingkuang sia la in, mualtung a teang Abinadab a kici pasal khat ii inn ah tun uh hi. Amate in a tapa Eleazar sia a keam tu in thiansua uh hi.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.