1 Samuel 6:4 - Syin Chin Bible

⁴ “Ama bang letsong pia tu hi ziam?” ci in mite in dongh uh hi. Amate in zo kik a, “Khamh taw a kivawt meimapui lim nga le Philistine kumpi khat sim atu khamh sanchiim lim nga hi tu hi. Ngimna lianpi sia a kibangin no theampo tung le kumpi nga teng tungah hong tung hi.

1 Samuel 6:4 Iomraidhean Croise

Pusuana 12:35

Moses ii a ci bangin Israel te in Egypt te tungah khamh le ngunn kizepna, le puansilhte ngen uh hi.

Joshua 13:3

thang sangah Avvim te ngam theampo zongh ahi hi. (Shihor lui pan Egypt te ngamngi dong, saksang pan Ekron te ngamngi dong leitang teng sia Canaan te ngam in kingaisun hi; Philistine kumpite sia Gaza, Ashdod, Ashkelon, Gath, le Ekron ah teang hi.)

Thukhente 14:19

Thakhat thu in Topa vaangletna in Samson hatsak a, tuaciang ama Ashkelon ah paisuk hi, tua munah pasal 30 thatlum in, a puansilh uh suusak a, thukheldokna a zo thei teng tua puan hoite pia hi. Tuasia zawkciang thupiang teng hu in a thinso ahikom, ama inn ah cia kik a,

Thukhente 3:3

A ngamsung a taanglai teng sia Philistine te khuapi nga hi a, Canaan te, Sidon te a vekpi le Lebanon Mualte tung, Baal Hermon Mual pan Hamath Mualciangh dong a teang Hiv te ahi hi.

1 Samuel 5:12

A thi ngawlte zongh meimapui vei ahikom mipite in amate ii pathiante munah hu ngenin au uh hi.

1 Samuel 5:6

Topa in Ashdod mite sia nasia takin daan pia a, lausak ngawp hi. Amate le a kiim a paam a om mite sia Topa in daan pia a, meima pui veu veisak hi.

1 Samuel 5:9

Ahihang tuasung a thet ciang Topa in tua khuapi zongh daan ma pia a, patauna nasia takin om hi. Khuapi sungah mihing theampo, a huai a khang a kibangin meima pui veisak hi.

1 Samuel 6:5

Na ngam buppi ah ngim hong pia meimapui le sanchiim lim te vawt hamtang in Israel te ii Pathian sia upat vawt nanak tu nu hi. Tua hile ama in noma, na pathian te le na ngam daan hong piakna tawp tha tu hi.

1 Samuel 6:8

Topa ii Thuciamna Thingkuang la in, leang tungah suan vun, tuaciang na mawna phelna in letsong na piak tu uh, khamh lim note sia thingkuang dang khat sungah heangin tuasia kungah koi vun. Khuileang a pai natu lampi ah ama thuthu in a pai natu in kipansak vun.