1 Samuel 6:3 - Syin Chin Bible

³ Amate in, “Israel te ii Pathian ii Thuciamna Thingkuang na heak kiksak tu uh le na mawphel natu uh in ama atu letsong khat taw na kikopsak uh kul tu hi. Thuciamna Thingkuang sia letsong khat ngawl taw heak kik thei ngawl het tu hi. Tuabang taw in note na dam tu uh a, banghangin ama in no daan hong pia tawntung ziam ci sia na he tu uh hi,” ci uh hi.

1 Samuel 6:3 Iomraidhean Croise

Job 10:2

Hong puavawk heak in Pathian awng. Kei nong mawsakna a bang hi thong ziam? Hong son ta'n!

Pusuana 23:15

Kong thupiakna sa taw kizui in Egypt na nusiat tha ahi, Abib tha sungin Tol saw ngawl Anluum Poaipi khaam vun. Tua poaipi ni sali hun sung tol taw kivawt anluum peuma ne heak vun. Biakpiak natu khat keng ngawlin kei hong bia tu in hong pai heak vun.

Pusuana 34:20

Ahizong laa a suakciil pawpo sia a taangin tuu khat pia in lei kik tu nu hi. Na lei kik bua uh ahile a ngawng thiaktan vun. Tapaciil peuma lei kik vun. Biakpiakna khat a keng ngawl peuma ka mai ah hong kilaak heak hen.

Pusuana 8:15

Kumpipa in ulol thite a mu ciang a thinsak kikin Topa ci sa bangma kumpipa in Moses le Aaron thu ngai ngawl hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 6:6

Ama in Topa tungah ama ii khialphel biakpiak natu in a mealhem ngawl tuutal ahibuale kealtal khat thiampipa kungah paipui tu hi. A man sia khensat ngeina om bang hi tu hi.

Thuhil kikna 16:16

“Na minam sung pan pa theampo in kum khat sung thumvei tua biakna munah Topa bia tu in pai tu hi: tuate sia Paisan Poai, Anlaak Poai, le Buk Poai te ahi hi.

1 Samuel 5:11

Tua ahikom Philistine kumpite theampo sam kikin, “Israel ii Thuciamna Thingkuang sia, ei le ih innkuanpuite hong thalup ngawl natu in, a omna ngei ah puak kik tavun,” ci uh hi. Pathian in amate nasia takin daan pia ahikom khuapi sung bup ah patauna om hi.

1 Samuel 5:7

Amate in tua thupiangte a mu uh ciang, “Israel ii Pathian in ei le ih Dagon pathian daan hong pia hi. Thuciamna Thingkuang sia hi lai ei kungah ki omsak thei nawn ngawl tu hi,” ci uh hi.

1 Samuel 5:9

Ahihang tuasung a thet ciang Topa in tua khuapi zongh daan ma pia a, patauna nasia takin om hi. Khuapi sungah mihing theampo, a huai a khang a kibangin meima pui veisak hi.

1 Samuel 6:8

Topa ii Thuciamna Thingkuang la in, leang tungah suan vun, tuaciang na mawna phelna in letsong na piak tu uh, khamh lim note sia thingkuang dang khat sungah heangin tuasia kungah koi vun. Khuileang a pai natu lampi ah ama thuthu in a pai natu in kipansak vun.

1 Samuel 6:9

Tua zawkciang a paina en vun; Beth Shemesh sang a zuan le Israel te ii Pathian in hi a kiitakhuai tuasiatna hong puak hi, a cina hi. Tuabang a zuan buale, ngimnate sia ama ii hong puak hi ngawl a; a luilamna in a piang hi bek hi, ci in ih he tu hi,” ci uh hi.