1 Samuel 5:7 - Syin Chin Bible

⁷ Amate in tua thupiangte a mu uh ciang, “Israel ii Pathian in ei le ih Dagon pathian daan hong pia hi. Thuciamna Thingkuang sia hi lai ei kungah ki omsak thei nawn ngawl tu hi,” ci uh hi.

1 Samuel 5:7 Iomraidhean Croise

2 Samuel 6:9

Tua zawkciang David in Topa kiita a, “Bangbangin Thuciamna Thingkuang sia tu in keima in tonpui ngam nawn tu khi ziam?” ci hi.

1 Khangtaanghthu 15:13

A masa lai in tua munah Thuciamna Thingkuang pua tu in nong om bua uh a, ama ih biak tu bangin ih biak ngawl hu in, Topa ih Pathian in eite daan hong pia hi,” ci hi.

Pusuana 10:7

Kumpipa uliante in kumpipa tungah, “Bang tanvei hisia pa in eite ngimna hong pia tu ziam? Topa a Pathian a biak thei natu in, Israel mite paisak in. Egypt ngam lal zo ci sia tel ngawl ni ziam?” ci uh hi.

Pusuana 12:33

Egypt te in a ngam manlang tak a nusiat natu in tua mite sawl a; “Na pai bua uh ahile ka thi siat tu uh hi,” ci uh hi.

Pusuana 8:28

Kumpipa in, “A khuala mama na ah pai bua po le uh te, sennealngam sungah Topa na Pathian bia tu in kong paisak tu hi. Kei atu in thu hong ngetsak tavun,” ci hi.

Pusuana 8:8

Kumpipa in Moses le Aaron samin, “Hi ulol teng a laakkeak natu in, Topa tungah thungen vun, Topa tungah sangaw biakna a piak thei natu in, na mite ka paisak tu hi,” ci hi.

Pusuana 9:28

Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.

Jeremiah 46:25

Vaanglianbelpa Topa, Israel te ii Pathian in, “Thebes te pathian Amon sia Egypt le a pathiante sia a kumpipate taw daan ka pia khawm tu hi. Egypt kumpipa le ama a muang theampo ka la tu a,

Jeremiah 48:7

“Moab awng, na hatna le na hauna na suang hi, ahihang tu in nang ngawngawn hong kizo tu a; na pathian Chemosh sia a kumpi tapate le a thiampite taw saltaang khawm tu uh hi.

1 Samuel 4:8

Tua a vaangnei pathiante tung pan ei akua in hong hun zo tu ziam? Tua pathiante sia sennealngam sungah Egypt te a monte ahi hi!

1 Samuel 5:6

Topa in Ashdod mite sia nasia takin daan pia a, lausak ngawp hi. Amate le a kiim a paam a om mite sia Topa in daan pia a, meima pui veu veisak hi.

1 Samuel 5:8

Tua ahikom a kamtai te in Philistine kumpi nga teng samsak a, “Israel ii Pathian ii Thuciamna Thingkuang sia bang law tu hi ziam?” ci in dongh uh hi. Amate in, “Tuasia Gath ah paipui tavun,” ci in zo uh hi; tua ahikom amate in Philistine khuapi dang khat ahi Gath ah paipui uh hi.

1 Samuel 6:20

Tua ahikom Beth Shemesh mite in, “Hi a thiangtho Pathian, Topa mai ah akua peuma dingtang zo tu hi ziam? Ei taw a kikhuala thei natu in ama koisungah puak tu hi ziam?” ci uh hi.