1 Samuel 5:1 - Syin Chin Bible

¹ Philistine te in Thuciamna Thingkuang a matsak zawkciang, Ebenezer panin amate khuapi Ashdod ah pua uh a,

1 Samuel 5:1 Iomraidhean Croise

Psalm Late 78:61

Ama in ama ii vaangletna le minthanna lim ahi Thuciamna Thingkuang sia eima ngalte in mansak hi.

Isaiah 20:1

Assyria kumpilianpa Sargon thupiakna taw in, Assyria ngalkapmang lianbelpa in Philistine khuapi Ashdod sim hi.

Amos 3:9

Ashdod le Egypt kumpi innte sung a teangte munah hi bangin taangko vun: “Samaria kiimkot mualte tungah kikhawm vun a, tua munah a nasia mama buaina le khialna liante en vun.”

Sawltakte 8:40

Philip sia Azotus khua ah theng ahi hunlam ama le ama kitel hi; ama Caesarea ah pai suak a, lamdung khua theampo ah Lungdamna Thupha hil hi.

Joshua 11:22

Anakim te khat zongh Israel ngam sungah om nawn ngawl hi; ahihang tawm khawng sia Gaza, Gath le Ashdod ah taanglai hi.

Joshua 13:3

thang sangah Avvim te ngam theampo zongh ahi hi. (Shihor lui pan Egypt te ngamngi dong, saksang pan Ekron te ngamngi dong leitang teng sia Canaan te ngam in kingaisun hi; Philistine kumpite sia Gaza, Ashdod, Ashkelon, Gath, le Ekron ah teang hi.)

1 Samuel 4:1

Tua hun laitakin Philistine te in Israel sim tu in kikaikhawm ahikom Israel te sia amate do tu in kuan uh hi. Israel te in Ebenezer ah, Philistine te in Aphek ah ngiaphual saat uh hi.

1 Samuel 4:11

Pathian ii Thuciamna Thingkuang matsak a, Eli tapate Hophni le Phinehas te ngeal thatlum hi.

1 Samuel 4:22

Ama in, “Pathian ii vaangletna in Israel nusia zo hi, banghang ziam cile Pathian ii Thuciamna Thingkuang sia hong kimatsak hi,” ci hi.

1 Samuel 6:1

Philistia ngam ah Thuciamna Thingkuang tha sali a om zawkciang,

1 Samuel 7:12

Tua zawkciang Samuel in suangtum khat la in Mizpah le Shen kilaklaw ah phut in, “Topa in lam tawntung hong hu hi” ci in a min sia “Huna Suangpi” (Ebenezer ) vaw hi.