1 Samuel 4:4 - Syin Chin Bible

⁴ Tua ahikom amate in kamtaite Shiloh ah paisak a, tha nei cherubim te ii tungah kumpi in a maang Vaanglianbelpa Topa ii Thuciamna Thingkuang sia lasak hi. Tuaciang Eli ii tapate nii Hophni le Phinehas te Thuciamna Thingkuang taw hong ton uh hi.

1 Samuel 4:4 Iomraidhean Croise

2 Samuel 15:24

Thiampi Zadok, tuaciang ama taw Thuciamna Thingkuang thiangtho a pua Levi mite zongh tualai ah kihel in om uh hi. Amate in Thuciamna Thingkuang lei ah koisukin, mi theampo ii khuapi a nusiat dong kisuanh kik ngawl uh hi. Thiampi Abiathar zongh tua munah om hi.

2 Samuel 6:2

tuaciang ama in amate Judah ngam Baalah ah paipui hi, tuaciang cherub te tungah kumpi in a kitosak, Vaanglianpipa Topa ii min a pu, Pathian ii Thuciamna Thingkuang sia tua mun panin laak tu ahi hi.

2 Kumpite 19:15

tuaciang, “Cherubim te ii tungsia na tokhum tungah a to, Topa Israel te ii Pathian awng, nang bekma Pathian na hi hi, leitung kumpi ngam theampo a uk pa na hi hi. Nangma in lei le van na bitphua hi.

Psalm Late 80:1

Israel te ii Tuucing pa awng, hong ngai ta'n; Na tuu hon lampuipa awng, hong za ta'n. Cherub te ii tung sang, na kumpi tokhum tungah a to pa awng,

Psalm Late 80:2

Ephraim, Benjamin le Manasseh minamte tungah nangma le nangma hong kilaak ta'n. Na thahatna kote hong lak ta'n; hong pai ta'n a, hong hun ta'n!

Psalm Late 99:1

Topa sia kumpipa ahi hi; tuaciang mihingte liinglawng uh hi. Ama in Cherub te ii tung sang, a kumpi tokhum tungah to a, leitung sia kilok hi.

Isaiah 37:16

“Cherubim tungah a to, Vaanglianbelpa Topa Israel ii Pathian awng, nangma bekma Pathian hi a, leitung kumpi ngam theampo na uk hi. Nangma in lei le van na bitphua hi.

Malachi 1:9

Tu in no thiampite awng, ei tungah Pathian hong dik natu in hong ngen ka sin vun. Ama in na thungetna hong zo ngawl tu a, tua in noma mawna hi tu hi.

Mi Simna 4:15

Ngiaphual kiphel tu hun a cin ciang a thiangtho nate le vanhzakte theampo Aaron le a tapate in a sit zawkciang a pua tu in Kohath bee le phung pan hong pai tu uh hi. Kohath bee le phung in a thiangtho nate thutha ngawl tu a, a thutha le amate thi tu uh hi. Puanbuk a kikhiin simin hite sia Kohath bee le phung ii vaipuak ahi hi.

Mi Simna 4:5

Topa in a nuai a bangin thuhilnate Moses tungah pia hi. Ngiaphual na phel tu uh hun a tun ciang Aaron le a tapate Puanbuk sungah tum tu a, Thuciamna Thingkuang mai ah a om puankhai la in tuasia taw tua Thingkuang siin tu uh hi.

Mi Simna 7:89

Topa taw kipaupui tu in Puanbuk sungah Moses a tum ciang, Thuciamna Thingkuang sitna tungah a om Cherubim nii kilaklaw pan Topa paupuina ama in za hi.

1 Samuel 1:24

Ama in nau noai a tensak zawkciang Shiloh ah paipui a, kum thum a pha khuital khat, anvui kilogramme 10 le savun ip sungah sapittui a dim keng hi. Ama in Samuel sia moi mama ahihang Topa inn Shiloh ah paipui hi.

1 Samuel 14:3

(Ephod a silh thiampi sia Ichabod ii suapuipa Ahitub ii tapa Ahijah hi a, tua pa sia Phinehas ii tapa, Eli ii tupa hi a, Shiloh ah Topa ii thiampi ahi hi.) Jonathan ii paisat hunlam sia a mite in he ngawl hi.

1 Samuel 2:22

Tu in Eli sia huai mama zo hi. Ama in a tate ii Israel mite tungah a ngamtatna theampo zaza a, Topa ompuina Puanbuk kongbiang a na a seam numeite ngawngawn luppui uh hi, ci in za hi.