1 Samuel 4:3 - Syin Chin Bible

³ A thimong teng ngiaphual hong thet kik uh ciangin Israel lampuite in, “Banghangin Topa in tuni in ei hong lelsak ziam? Topa ei taw tonkhawmin ih ngalte khut pan hong hut natu in Shiloh ah pai in Topa ii Thuciamna Thingkuang va la tawng,” ci uh hi.

1 Samuel 4:3 Iomraidhean Croise

2 Samuel 15:25

Tuasia ciang kumpipa in Zadok munah, “Thuciamna Thingkuang khuapi sungah heak pui kik ta'n. Topa in kei tungah hong lungkim ahile ni khat ni ciangin kei hong heak kiksak tu a, tuasia le a omna mun hong musak tu hi.

1 Khangtaanghthu 17:1

Tu in David kumpipa sia a kumpi inn ah teang hi. Ni khat ni in David in kamsaangpa Nathan samin ama tungah, “Kei hi sung cedar thing taw a kisa inn sungah teang khi hi, ahihang Topa ii Thuciamna Thingkuang sia puanbuk sungah kikeam hi!” ci hi.

Psalm Late 74:1

Banghangin hi bangin kote hong nusia ni ziam, Pathian awng? Nangma mite tungah a tawntungin na thin uuksak tu ni ziam?

Psalm Late 74:11

Banghangin kote nong hu tu sia nial ni ziam? banghangin na khutte na nungsangah seal ni ziam?

Isaiah 50:1

Topa in, “Pasal khat in a zi a khul bangin keima in ka mite hawlkeak hong sa nu ziam? Tua ahile, zi khulna laite koisungah om ziam? Mihing khat in a tate sila in a zuak bangin, keima in note saltaang tu in zuak hong sa nu ziam? Hi ngawl hi, noma mawna hangin saltaang in a pai na hi uh a; noma khialna liante hangin hong kihawl khia ahi hi.

Isaiah 58:3

Mite in, “Topa in hong phawk ngeingawl ahile eite in banghangin an tang tu hi ziam? Ama in hong awlmawk ngawl ahile banghangin eite in an ne ngawlin om tu hi ziam?” ci in dongh uh hi. Topa in amate tungah, “A maan tak ci leang an na tan kawmin noma aituam phattuam natu te na del uh a, na naseamte na zawthawk vawt uh hi.

Isaiah 59:1

Topa sia note hong ngum tu in thaneam leih in, huna na ngetna aw za tu in nangong leih tu in ngaisun heak vun!

Isaiah 59:2

Na mawna na khialnate uh hangin ama in hong za ngawl ahi hi. Pathian bia tu na hanciam uh ciang Pathian taw hong khentan sia na mawnate uh ahi hi.

Jeremiah 3:16

Tuaciang tua ngam sungah pungin mihing na tam zawk uh ciang, mihingte in ka Thuciamna Thingkuang ii thu son nawn ngawl tu uh hi. Amate in tua thu ngaisun nawn ngawl tu a, zongh phawk nawn ngawl tu uh hi; amate in kul zongh sa ngawl tu uh a, a dang vawt tuan ngawl tu uh hi.

Jeremiah 7:4

‘Ei ngammuang zo hing! Hisia Topa ii Biakinnpi ahi hi, hisia Topa ii Biakinnpi ahi hi, hisia Topa ii Biakinnpi ahi hi!’ a ci tua theamna kammalte um nawn heak vun.

Mi Simna 10:33

Israel mite in mual thiangtho ahi Sinai nusia a, ni thum sung pai uh hi. Topa Thuciamna Thingkuang sia ngiaphual mun tu a zong tu in amate mai ah paikhol tawntung hi.

Mi Simna 10:35

Thuciamna Thingkuang a din pui hun simin Moses in, “Topa awng, tho in a; na ngalte kithethaangsak in, nang hong ngaimawte taisak in!” ci bul hi.

Mi Simna 31:6

Moses in thiampi Eleazar tapa, van thiangthote le thu kikona lemle a keam pa Phinehas in uksakin amate kuansak hi.

Thuhil kikna 29:24

Tuasia ciang leitung buppi in, ‘Banghang Topa in amate ngam hi bang vawt ziam? Bang thu hangin Topa a thin uuk ziam?’ ci in dongh tu hi.

Thuhil kikna 31:26

“Pathian ii Thukham hi thubu sia la vun a, ama mite langkhat ah tetti in tua munah a om top thei natu in Topa na Pathian ii Thuciamna Thingkuang hui ah koi vun.

2 Timothy 3:5

Amate in ih biakna sia a pua zuunna in nei tu a, ahihang a vaangletna tatak sia nial tu uh hi. Tuabang mihingte kung pan kiheam ta'n.

Hebrew te 9:4

Tua ii sungah sathau namtui halna, khamh biaknatau le, khamh taw a kituam Thuciamna Thingkuang om a, a sungah manna koina khamh uum le a teeno a suak Aaron ciangkhut le thupiakte a ki atna suangpheak niite om uh hi.

Joshua 4:7

Topa Thuciamna Thingkuang ii ngun a kaantan ciangin Jordan ngun sia a luan tawlnga hi, ci in na son tu uh hi. Hi lai munah bang thu piang ci sia hi suangte in Israel mite phawksak tawntung tu hi,” ci hi.

Joshua 6:6

Joshua in thiampite sam a, amate tungah, “Thuciamna Thingkuang la vun a, no sung pan sali sia lemle khat tek toai in a mai ah pai vun,” ci hi.

Joshua 7:7

Tuaciang Joshua in, “Vaanglianpipa Topa awng! Banghang peuma in Jordan ngun hong kaantansak ni ziam? Amor mite khut sungah hong aap tu in maw? Hong mot tu in maw? Banghangin Jordan ngun langkhat ah om po ngawl ka na khu ziam?

Joshua 7:8

Tu in Israel te sia ngalmai pan nungkin zo ci leang bang son thei nawn tu khi ziam, Topa awng.

1 Peter 3:21

tua tui sia tu in note hong kingupna lim a lak, tui kiphumna ahi hi. Pumpi tung ciniinte silthiangna hi ngawlin, thinsung khentel theina pha taw Pathian tungah kamciam piakna ahi hi. Tua in Jesus Christ thawkikna tungtawn a note hong ngum hi,

Jude 1:5

Na heaksa uh ahitazong, Topa in Israel te sia Egypt ngam pan suatak napi, a thu um ngawlte sia a khak sang ciangin, susiacip hi ci in kong phawksak nuam hi.

1 Samuel 1:24

Ama in nau noai a tensak zawkciang Shiloh ah paipui a, kum thum a pha khuital khat, anvui kilogramme 10 le savun ip sungah sapittui a dim keng hi. Ama in Samuel sia moi mama ahihang Topa inn Shiloh ah paipui hi.

1 Samuel 14:18

“Ephod sia hi sungah hong paipui tavun,” Saul in thiampipa Ahijah munah ci hi. (Tua ni in Ahijah in tuasia Israel mite mai ah pua hi.)

1 Samuel 4:2

Philistine te in simin, a nasia mama in a kido zawk uh ciang Israel te zo a, ngalphual ah mihing 4,000 bang that uh hi.