1 Samuel 4:12 - Syin Chin Bible

¹² Benjamin namte pasal khat ngalphual panin Shiloh ah tai vingveng a, hong ni tut hi. A khuangaina lianpi a lak natu in a puansilhte hong eaukeak a, a lu tungah leivui koi hi.

1 Samuel 4:12 Iomraidhean Croise

2 Samuel 1:2

A zing ciangin khangno khat Saul ii ngiaphual panin hong theng hi. Ama khuangaina a lak natu in a puante eaukeak in a lu tungah leivui kipoai hi. Ama in David kungah pai in, zatak piakna in lei ah bok hi.

2 Samuel 13:19

Ama in a lu tungah vut kipoai a, a puantual eaukeak in, a khut sungah a mai phumin kap kawmin paisan hi.

2 Samuel 15:32

Biakna mun khat sia ii a omna mual tungah David hong thet ciangin, Arch mi ahi a lawm muan Hushai taw kimu a, ama sia a puan ki eaukeak in a lu tungah leivui kibuak hi.

Nehemiah 9:1

Tua tha ni 24 ni in, a mawnate hangin khuangaina lakna in antang tu in Israel mite kikhawm uh hi. Amate sia ngamdangmite theampo taw kikhen zo uh hi. Amate in a khuangai lakna in khau-ip puan silhin a lu tungah leivui poai uh hi. Tua zawkciang dingin amate le a taanghpupite mawnate a pualaak tu kipan uh hi.

Job 2:12

Amate in a khuala pan Job ngalmu a, ahihang tel ngawl uh hi. A tel tak uh ciang amate nasia tak kapin, khuangai in a puansilhte baltham a, leivui lawnto in a lu tungah the uh hi.

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Ezekiel 24:26

Hi bangin ka vawt ni in, lalna sung pan a suakta khat po hong pai in, thupiangte nang hong ko tu hi.

Ezekiel 27:30

Amate in nasia tak khuangai in, nang atu mau uh hi. a lu tungah leivui kithe in, vuttun sungah kilumliik uh hi.

Joshua 7:6

Joshua le Israel lampuite hee a, a puansilh lai te baltham in, Topa ii Thuciamna Thingkuang mai ah leiliik uh a, khuangaina lakna in a lu tungah leivui kithe in, tua munah nitak sang dong lum uh hi.