1 Samuel 4:10 - Syin Chin Bible

¹⁰ Philistine te in nasia takin do in, Israel te zo uh a, amate sia a inn zuanin tai uh hi. Nasia takin kithalupna om a: Israel ngalkapte 30,000 thi uh hi.

1 Samuel 4:10 Iomraidhean Croise

2 Samuel 18:17

Amate in Absalom ii luang la in duisung dum thuk khat sungah a lotsuk zawk uh ciang suangtum honpui khat taw siin uh hi. Israel te theampo taimang in a inn tek zuan uh hi.

2 Samuel 18:7

Israel te in David ii mite lel uh hi; tua ni in nasia lel mama uh a, tulkul kithatlum uh hi.

2 Samuel 19:8

Tuasia ciang kumpipa kikhuangkho a, hong pai in khuapi kongpi hui ah to hi. A mite in ama sia tualai ah a om hunlam a zaak uh ciangin ama kiim ah hong kikaikhawm uh hi. Tua hun sungin Israel te theampo tai in amate inn tek zuan uh hi.

2 Samuel 20:1

Gilgal ah Benjamin mi Bikri ii tapa Sheba a kici mihing mannung ngawl khat om hi. Ama in lemle tumin au a, “David taak hen! Ei ama zui ngawl tu hi hing! Israel pasalte awng inn ah cia tawng!” ci hi.

1 Kumpite 12:16

Mipite in kumpipa ii a thudon ngawl a mu uh ciang in amate au hi. David le a innkuante kiamsuk tahen! Ei atu amate in bang hong vawtsak ngei na ziam? Israel mite awng, cia lel tawng! Rehoboam sia ama le ama kikeam tahen!” ci uh hi. Tua ahikom Israel mite tualngal tho a,

1 Kumpite 22:36

Nitum kuan ciangin Israel ngalkapte a lian a no tungah thupiakna hong pai a: “Mi simin a ngam le a khuapi tek ah cia hen!,” ci hi.

2 Kumpite 14:12

Amaziah ii ngalkap honte in lel a, a ngalkap te theampo amate inn tek ah tai uh hi.

2 Khangtaanghthu 13:17

Abijah le a ngalkaphonpite in Israel te zocip a, — Israel ngalkap phabel tul za nga that uh hi.

2 Khangtaanghthu 25:22

Judah ngalkaphonpite ngallel in, a inn tek ah tai siat uh hi.

Psalm Late 78:9

Ephraim mite in thal le thaltang taw kithoai napi ngal kido ni in taikeak uh hi.

Jeremiah 7:12

Keima nong biak natu mun a, ka teal maksak phit ahi Shiloh ah pai tavun a, Israel ka mite ii mawna khialnate hu in tua khua tungah ka vawtte en tavun.

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thuhil kikna 28:15

“Ahizong tuni in kong piak Topa na Pathian ii hong thupiak theampo le thukham theampo thumaan takin zui ngawlin ama thu na ni bua uh le, hi siatna theampo note tungah hong tung tu hi.

Thuhil kikna 28:25

“Topa in na ngalte in hong zosak tu hi. Note in mun khat pan na sim tu uh a, ahizong mun theampo ah na tai tu uh hi, note tungah thupiangte a mu uh ciang leitung mihingte theampo lau mama tu hi.

1 Samuel 3:11

Topa in ama munah, “Ni khat ni ciang Israel mite tungah a lauhuai mama khat ka vawt tu a, a za peuma lau ngawp tu hi.

1 Samuel 4:2

Philistine te in simin, a nasia mama in a kido zawk uh ciang Israel te zo a, ngalphual ah mihing 4,000 bang that uh hi.