1 Samuel 26:7 - Syin Chin Bible

⁷ Tua zanin, David le Abishai te Saul ii ngiaphual sung sangah tum in, Saul sia ngiaphual laizang ah mutchip in a om mu a, a luthung ah a tei phut hi. Abner le ngalkapte a kiim ah mu uh hi.

1 Samuel 26:7 Iomraidhean Croise

Pianciilna 45:19

A zite, a tanote le a pa to natu in Egypt pan leang a ken natu zongh son in.

1 Samuel 17:20

A zing ciang zing tuungin David tho in, tuute a en tu mi dang khat vaipuak pia a nguai an heang in, Jesse sawlna ah pai hi. Israel te ngalmai ah ngalsim tu in kuan a, hanla a sam laitakin David theng hi.

1 Samuel 26:6

Tuasia ciang David in Hit mi Ahimelech le Joab ii suapuipa Abishai (A nu uh sia Zeruiah hi), te munah, “No nii akua zaw in Saul ii ngiaphual ah hong zui tu nu ziam?” a ci ciang, Abishai in, “Keima hong zui tong,” ci hi.

1 Samuel 26:8

Abishai in David munah, “Pathian in na ngalpa na khut sungah tu zanin hong pia hi. Tu in ama ii tei taw ma in keima in ama lei taw cip in hong sunletsak ta'n, khatvei sut taw kiman tu hi — niivei ka sut kul ngawl tu hi!” ci hi.