1 Samuel 23:3 - Syin Chin Bible

³ Ahihang a mite in David munah, “Hi lai Judah ah ih kiitak tu a khom om hi; Keilah ah pai in Philistine ngalkapte sim leang pha ngawl seseam tu hi,” ci uh hi.

1 Samuel 23:3 Iomraidhean Croise

Psalm Late 11:1

Topa sia ngammuanna nga natu in ka muang hi. Hi bang na ci uh sia bangza in mawmawthuai ziam? “Vacim bangin mualte ah leang ta in,

Jeremiah 12:5

Topa in, “Jeremiah awng, mihingte taw tai kidem a, toi na hi thong le, bangbangin siphu taw tai kidem thei thong tu ni ziam? leikolna ngam ah na dingto thei bua zen le, Jordan ngun hui duithuk sungah bangbangin vaihawm zo thong tu ni ziam?

1 Samuel 23:15

David in Saul ii ama a thalup nopna sia phawk hi. David sia Ziph khua paam duisung, Horesh ah om hi.

1 Samuel 23:2

Tua ahikom ama in Topa dongh a, “Philistine te sim tu in ka kuan tu ziam?” ci hi. “Hi hi, amate sim in a, Keilah hun in,” ci in Topa in zo hi.

1 Samuel 23:23

A bukna mun tatak hong zong tavun a, kei kungah thu hong puaksak paih nanak tavun. Tua zawkciang noma kong zui tu a, ama tua ngam sungah a om lai le Judah ngam buppi vai a kul zong ka zong tu hi,” ci in zo hi.

1 Samuel 23:26

Saul le a mite sia mualpangh langkhat ah om in, a lang pangh a om David le a mite taw mual in daa hi. Saul le a mite in amate hong neak a, man dektak ahiciang, amate zong manlang takin tai uh hi.

1 Samuel 23:4

Tua ahikom David in Topa dongh kik a, tuaciang Topa in, “Pai in a, Keilah sim tavun, banghang ziam cile Philistine te kong zosak tu hi,” ci hi.