1 Samuel 22:3 - Syin Chin Bible

³ David in tua mun panin Moab ngam Mizpah ah paitan a, Moab kumpipa munah, “Pathian in kei atu bang hong vawtsak tu ci ka heak dong, ka pa le ka nu sia nang kungah na omsak natu in hesuak kong ngen hi,” ci hi.

1 Samuel 22:3 Iomraidhean Croise

Pianciilna 47:11

Tuaciang Joseph in a pa le a suapuite kumpipa thupiak bangin Egypt ngamsung lei phabelna Rameses khuapi nai ah mun pia in teangsak hi.

2 Samuel 8:2

Tua zawkciang Moab te zo hi. A ngal matte lei ah lumsakin thum sung pan nii veu thatlum hi. Tua ahikom Moab te sia a khutnuai mi hong suakin, ama tungah shia pia uh hi.

Pusuana 20:12

“Keima kong piak ngam le lei ah khansau in na nuntak thei natu in na nu le na pa zakta vun.

1 Timothy 5:4

Ahihang meingong khat in ta le tu a nei le, amate in biakna huvau sep tu a neite a innkuan sungah sin phot tahen, tua hile a nute a pate le a pute a pite ii ama tungah a sepnate a thuk kik hi tu hi, banghang ziam cile tua in Pathian diksak thu ahi hi.

Thukhente 11:29

Tuasia ciang Topa ii thaa sia Jephthah tungah hong theng hi. Ama in Gilead le Manasseh kaantan in pai a, Gilead ngam Mizpah ah hong heak kikin, Ammon ah paitan hi.

Ruth 4:10

Tua bek dom ngawlin Mahlon zi meingong nu Moab mi Ruth sia keima zi suak hi. Hi sia in mithi pa bangkua sungah a neisa teng kip tu hi, ama ii innkuan khang zongh a mite sung le a khua sungah kizom tan tu hi. No teng sia hi thu huvau in tetti hi siat nu hi,” ci hi.

Ruth 4:17

Innpaam nupi te in tua pano min sia Obed phuak uh hi. Amate in ngual mun theampo ah, “Naomi in tapa khat hong nei hi!,” ci uh hi. Obed sia Jesse ii pa suak a, Jesse sia David ii pa hi.

1 Samuel 14:47

Saul sia Israel kumpipa a sua zawkciang, mun theampo ah a ngalte sim hi: Moab, Ammon le Edom mite, Zobah kumpite le Philistine te do hi. Ngal a simna po ama in zo hi.

1 Samuel 22:2

Mihing a kinengniamte, leiba neite ahibuale lungkim ngawlna a nei pawpo in ama kungah zuanin, a vekpi a kingawm in pasal 400 bang pha a, ama sia amate lampui suak hi.

1 Samuel 22:4

Tuabangin David in a pa le a nu sia Moab kumpipa kungah nusia a, David ii suanghawng sung a buk lai teng amate tua munah om uh hi.

1 Samuel 3:18

Tua ahikom Samuel in ama tungah na theampo son a, bangma kheet a nei bua hi. Eli in, “Ama sia Topa hi; phabel a sak bangin ama in seam tu hi,” ci hi.