1 Samuel 22:2 - Syin Chin Bible

² Mihing a kinengniamte, leiba neite ahibuale lungkim ngawlna a nei pawpo in ama kungah zuanin, a vekpi a kingawm in pasal 400 bang pha a, ama sia amate lampui suak hi.

1 Samuel 22:2 Iomraidhean Croise

2 Samuel 17:8

Na pa David le a mite sia ngalsim a hatte hi a, a note a kilaaksak vompui a kiitakhuai za in kiitakhuai hi. Na pa sia ngalsim zia a he sa khat hi a, zanin a mite taw mun khat ah omkhawm ngawl tu hi.

2 Samuel 5:2

A bosa hun sung Saul sia ih kumpipa ahi lai ngawngawn in, nangma in Israel mite ngal kidona sungah na lampui a, tuaciang Topa in na mite na lampui natu le a ukpa na sua natu kamciam hong pia hi,” ci uh hi.

2 Kumpite 20:5

Topa in mite a ukpa Hezekiah kungah Isaiah pai kik in sawl a, ama munah, “Kei, Topa, na taanghpupi David ii Pathian in na thungetna kong za zo a, na thitui luan ka mu zo hi. Nang hong damsak tu khi hi, tuaciang tu zo ni thum ciangin Biakinnpi ah pai tu ni hi.

2 Kumpite 4:1

Kamsaang honkhat sung a kihel khat ii zi meingong nu sia Elisha kungah pai in, “Topa awng, ka pasal thi zo hi! Na heak bangma in ama sia Pathian kiita pasal khat hi, ahihang tu in a leibatna pasal khat in, ka pasal ii leiba taangin ka tate nii sila in a la tu hong pai zo hi,” ci in son hi.

Paunakte 31:6

Zu sia a thi dektak mihingte, a thinngim mamate atu ahi hi.

Matthew 11:12

John ii thuhil a kipat pan tuni dong tatak ma Vantung ngam in nasia takin zawthawk thu taw sutolna thuak hi, a ngoltol mihingte in laak tu in hanciam uh hi.

Matthew 11:28

“Vanhngit pua in, a toite theampo awng, kei kungah hong pai tavun, tawlngakna kong pia tu hi.

Hebrew te 2:10

Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

Thukhente 11:3

Jephthah zongh a suapuite kung pan tai in Tob ngam ah teang hi. Tua munah mihing mannung ngawl pawlkhat ama in pawlvawt a, tuate taw kithawl uh hi.

Thukhente 18:25

Dan pasalte in, “Hi mite thin uuksakin, nangma hong sim tu na uuk lui bua nale bangma dang pau ngawlin om lete phazaw hi. Tua ahibuale nang le na innkuan bupin thi tu nu hi,” ci hi.

1 Samuel 22:3

David in tua mun panin Moab ngam Mizpah ah paitan a, Moab kumpipa munah, “Pathian in kei atu bang hong vawtsak tu ci ka heak dong, ka pa le ka nu sia nang kungah na omsak natu in hesuak kong ngen hi,” ci hi.

1 Samuel 23:13

Tua ahikom David le a mite — a vekpi 600 khawng — Keilah khua thakhat ma in nusia a, paisuak uh hi. Saul in Keilah khua pan David a suatak hunlam a zaak ciang a ngealna kheal hi.

1 Samuel 25:13

David in, “Na namsau uh kua vun!” ci in thupia a, amate in tuabang ma in vawt uh hi. David zongh ama namsau kua in, tuaciang a mite 400 khawng taw kuan in, nungsang ah vanhte taw 200 nusia hi.

1 Samuel 30:6

David sia tu in a thinngim mama hi, banghang ziam cile a mite a vekpi in a tate a bosua hu in a thin uh na mama a, amate in David suang taw denlup tu in tawng hi; ahihang Topa a Pathian in ama thinletna pia hi.

1 Samuel 9:16

“Zing ciang tubang hunin Benjamin nam mihing khat na kungah hong puak tu khi hi, ka mi Israel te a ukpa tu in sathau na noai in, tuaciang ama in amate sia Philistine te khut sung pan suatak tu hi. Ka mite thuakna ka mu zo a, hu ngenin a auna ka za zo hi,” ci hi.