1 Samuel 20:3 - Syin Chin Bible

³ Ahizong David in, “Kei bangza in hong it na hi sia na pa in tel mama hi, tuaciang na pa in a ngealnate nang hong heaksak ngawl natu khensat zo hi, banghang ziam ci le nasia takin na thinna tu hi. A nungta Topa taw kiciam ngam in kong son nop pan, kei sia ka thi natu kal khat bek in samh hi!” ci in zo hi.

1 Samuel 20:3 Iomraidhean Croise

2 Samuel 15:21

Ahihang Ittai in, “Kumpipa awng, Topa min taw kiciam khi hi, thi tu keak a kul zong na paina po ah pai tawntung tu khi hi,” ci in zo hi.

2 Kumpite 2:2

tuaciang, a lampai kawmin Elijah in Elisha tungah, “Tu in hi sungah na om in; Topa in Bethel ah pai in hong sawl hi,” ci hi. Ahihang Elisha in, “Nang hong nusia ngawl tu khi hi, ci in a nungta Topa tung le nang tungah ka thumaanna taw kiciam khi hi,” ci in zo hi. Tua ahikom amate Bethel ah paisuak uh hi.

2 Kumpite 2:4

Tuasia ciang Elijah in Elisha munah, “Tu in hi sungah na om in; Topa in Jericho khua ah pai in hong sawl zo hi,” ci hi. Ahihang Elisha in, “Nang hong nusia ngawl tu khi hi, ci in a nungta Topa tung le nang tungah ka thumaanna taw kiciam khi hi,” ci in zo hi. Tua ahikom amate Jericho ah paisuak uh hi.

2 Kumpite 2:6

Tuasia zawkciang Elijah in Elisha munah, “Tu in hi sungah na om in; Topa in kei Jordan ngun ah pai in hong sawl hi,” ci hi. Ahihang Elisha in, “Nang hong nusia ngawl tu khi hi, ci in a nungta Topa tung le nang tungah ka thumaanna taw kiciam khi hi,” ci hi. Tua ahikom amate paisuak a,

Psalm Late 116:3

Thi tu lau huaina sia ka kiimkot ah om hi; thaankuul kiitakhuaina in kei hong neak hi; kei sia launa le thintoina taw ka kidim hi.

Jeremiah 38:16

Tuasia ciang Zedekiah kumpipa in, “Nang kong that buatu a, nang hong that nuam mite khut sungah kong aap buatu hi ci in eite nuntakna hong pia Pathian, a nungta Pathian min taw ka kiciam hi,” ci in hong kamciam hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Thuhil kikna 28:66

Na nuntakna uh lauhuai tawntung tu hi. Sun le zan in na patau tawntung tu uh a, thi tu lau in na nungta tawntung tu uh hi.

Thuhil kikna 6:13

Topa na Pathian zatak vawtin ama bek bia tavun a, ama min taw bekin kamciamnate vawt tavun.

Hebrew te 6:16

Mihing khat in kiciamna a vawt ciangin, ama sangin a lianzaw khat ii min zangh a, tua in kinialna theampo bosak hi.

1 Samuel 1:26

Hannah in ama munah, “Topa awng hong ngai zii ta'n. Kei nong ciamtee lai ziam? Kei sia hi munah dingin Topa tungah thu a ngengen nong mu numei sia khi hi.

1 Samuel 17:55

Saul in Goliath taw kido tu in a pai David a mu ciang, a ngalkaphonpi ukpa Abner munah, “Abner awng, ama akua tapa ziam?” ci in dongh hi. Abner in, “Kumpipa awng, akua tapa ziam ngaisun zo ngawl khi hi,” ci in zo hi.

1 Samuel 20:2

Jonathan in, “Pathian in na thi tu oai ngawl hi! Thupi kale thupi ta buale, ka pa in a sep a vawt theampo kei hong son a phualseal ngeingawl tu hi. Tuabang ma hi ngawl ziam?” ci in zo hi.

1 Samuel 20:4

Jonathan in, “Nangma uk babangin seam tu khi hi,” ci hi.

1 Samuel 25:26

Phulam in na ngalte na thalup ngawl natu pan hong keamcing sia Topa hi. Tuaciang tu in a nungta Topa taw ka kiciamna pan, na ngalte le nang hong susia nuamte theampo sia Nabal bangin daan thuak tu hi.

1 Samuel 27:1

David in ama le ama hi bangin kici hi, “Ni khat teteei ciang Saul in kei hong thatlum tu hi. Kei ngamtat natu a phabel sia Philistia ah tai in ka suatak tu ahi hi. Tuasia ciang Saul in kei Israel ngam sungah hong zon sia kheal tu a, ka ngammuang tu hi.”