1 Samuel 2:9 - Syin Chin Bible

⁹ “Ama in a thumaan a mite ii nuntakna dal hi, ahihang a seksolte sia khuazing sungah mang hi; mihing khat in ama hantang tha ngum hatna taw mualsuak zo ngawl hi.

1 Samuel 2:9 Iomraidhean Croise

Job 18:18

Amate a nungtate ngam pan kinotkeak tu a, khuavakna pan khuazingna ah kinot tu hi.

Job 40:13

A vekpi in lei sungah phum in; mithi khua ah heencip in.

Job 5:16

Ama in mizawngte lametna pia a, mi ngilote thimsak hi.

Job 5:24

Tuaciang na puanbuk sungah thinnuamin na teang tu hi; na tuute na et ciang bit takin a om na mu tu hi.

Psalm Late 1:6

Thutangte Topa in lamlakin dal a, ahizong a ngilote sia amate lalcip natu munah a pai uh hi.

Psalm Late 105:37

Tua zawkciang ama in Israel te pusua pui hi; amate in ngunn le khamh pua uh a, amate a vekpi in ciidam in thahat uh hi.

Psalm Late 121:3

Ama in nang hong puksak ngawl tu hi; nang hong dalpa in a tawntungin khangciim hi.

Psalm Late 121:5

Topa in nang hong cing tu hi; ama sia na kungah nang hong dal tu in om hi.

Psalm Late 121:8

Ama in na sungtanna le, na pusuana ah tu le a tawntungin nang hong dal tu hi.

Psalm Late 145:20

Ama a it theampo ama in sungsia hi, ahihang a seksolte susia tu hi.

Psalm Late 31:17

Topa awng, nang kong biakpui hi; maizumna hong thuaksak heak in, mihing seksolte maizumna thuak tahen; amate ahile mithi khua thim takin zuansuk tahen.

Psalm Late 37:28

banghang ziam cile Topa in a maan dei a, a thumaan a mihingte a nusia bua hi. Amate a tawntungin sungsia a, ahihang a seksolte ii suan le paalte sia kinotkeak tu hi.

Psalm Late 94:18

“Kei ka liik laitak hi” ka ci hi; ahihang Topa awng, nong itna kip in hong khuangkhosak hi.

Psalm Late 97:10

Topa in siatna a ensante it hi; ama in ama mite ii nuntakna dal hi; mihing seksolte ii thahatna panin amate suatak hi.

Paunakte 16:9

Nangma in ngealna vawt thei tu na hihang Pathian in na ngamtatnate hong zeak hi.

Paunakte 2:8

Midangte tungah a kilawm tu bangin a ngamtate ama in sungsia a, ama tungah a kipiate ama in cing hi.

Paunakte 3:26

Topa in nang hong keamcing tu hi. Ama in thaang sungah nang hong awksak buatu hi.

Thuhilsya 5:17

Eite sia khua zing sungah heena, thinngimna, thin uukna le ciinat thuakin ih nungta hi.

Thuhilsya 9:11

Thudang khat zongh ka he lai hi, hi leitung ah tai ngang theampo in zawna nga tawntung ngawl a, ngalhang theampo in ngalzo tawntung ngawl hi. Mihing ciimte in nuntak natu thalaw tawntung zo ngawl a, mihing pilte zongh hau tawntung ngawl hi, hi theina a nei theampo dinmun sang theng tuan ngawl hi. Kaamsiatna sia mihing theampo tungah tung hi.

Isaiah 27:3

“Keima in tua huan cingin tui ka buak tawntung hi. Kuama ii suk siat thei ngawl tu in sun le zanin ka cing hi.

Isaiah 47:5

Topa in Babylon tungah, “Khuazing sungah thim dide in to khipkhep in; Amate in nang sia ngamte ii kumpinu hong ci nawn ngawl tu hi!

Jeremiah 8:14

Pathian ii mite in “Banghangin to lalai hi ziam?” ci in dongh uh hi. Hong pai tavun, a muanhuai khuapite ah tai in tua munah ih thi tu hi. Ih Topa Pathian in ei sia a thi tu in hong see zo hi; ama in ih neak tu nguu hong pia zo hi, banghang ziam cile eima in ama tungah ih maw zo hi.

Jeremiah 9:23

Topa in, “Miciimte in amate ii ciimna, mi thahatte in amate ii thahatna, mihaute in amate ii haunate kisakthei pui heak hen.

Nahum 1:8

Tuipawm lian khat bangin a ngalte sucip a; ama a nalhte thina thuaksak hi.

Zephaniah 1:15

Tua ni sia thinso ni khat, ngim nga ni le thinkiam ni khat hi tu a, siatna le lalna ni khat, khuazing le khuasia ni khat, meeikaai a, khuatuap ni khat hi tu hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.

Mi Simna 6:24

Topa in note thupha hong pia in, hong keamcing tahen;

Matthew 8:12

Ahihang tua Kumpingam sungah om tu a kilawmte, khuazing sungah kivawk tu a, tua munah kapin ha ngoai in om tu hi,” ci hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.

Thuhil kikna 33:3

Topa in a mite it a, ama ii neisa mite sungsia hi. Tua ahikom, eite a peang ah kunin ama thupiakte ih zui hi.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

2 Peter 2:17

Hi mihingte sia a kang sa cik taw kibang a, vuipi suangval ii a seamkeak meeikaaite bang ahi uh hi; Pathian in amate atu in, a zing belna mun khealsiasak hi.

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi:

Jude 1:13

Amate sia tuipi sung a, tui kihualte taw kibang a, amate ii a maizumhuai ngamtatnate sia, tuiphuante bangin kilangh hi. Amate sia khuazing belna sung, a tawntung a om natu mun Pathian ii a koi kholsak, a vakthap aksite taw kibang hi.

Jude 1:3

Ka it lawmte awng, ih nei khop tek ngupna huvau hong at nuam ing, ka ci laitakin, Pathian ii mihingte tungah a tawntung atu in khatvei a piak upna huvau ngal ih sim kul lai hi, ci in hanthot nopna ka thinsung ah thakhatin hong suak hi.

1 Samuel 25:26

Phulam in na ngalte na thalup ngawl natu pan hong keamcing sia Topa hi. Tuaciang tu in a nungta Topa taw ka kiciamna pan, na ngalte le nang hong susia nuamte theampo sia Nabal bangin daan thuak tu hi.