1 Samuel 2:7 - Syin Chin Bible

⁷ Ama in mihing pawlkhat zawngkhalsak a, pawlkhat hausak hi; pawlkhat sia ama in kiniamkhiaksak a, pawlkhat liansak hi.

1 Samuel 2:7 Iomraidhean Croise

2 Kumpite 9:6

Tua zawkciang amate nii sia inn doituam sungah tum a, tuaciang kamsaang khangmoipa in Jehu ii lu tungah olive thau buakin ama munah, “Topa Israel te ii Pathian in taangko hi: ‘Keima in nang sia Israel te ii kumpipa tu in sathau hong noai khi hi.

1 Khangtaanghthu 29:12

Hauna le nei le lamh theampo nangma kung pan hong pai hi a; na vaangletna le na thahatna taw na theampo na uk hi; tuaciang kuama po a lian le a thahat na suaksak thei hi.

2 Khangtaanghthu 32:27

Hezekiah kumpipa hau mama a, kuama po in vaang pia hi. Ama in a neisa ngunn, khamh, suangmanpha te, hel namtuite, lumte le vanh manpha dangte khol natu in vanh kholna inndoite sa hi.

2 Khangtaanghthu 32:29

Tuaban ah Pathian in tuu le khui te pia in a dang nei le lamh tam mama pia ahikom ama in khuapi tam ma saat hi.

Job 1:21

Ama in, “Ka pian lai in ka nguaktang in ka suak a, ka nguaktang in ka thi tu hi. Topa in hong pia a, tu in Topa in la kik hi. Ama min kipok tahen!” ci hi.

Job 40:12

Hi hi, amate en in a, khiasuk in; mi ngilote a dinna munah sucip in.

Job 5:11

Hi hi, a kiniamkhiakte a laamto le, a khuangai theampo lungdamna a pia sia Pathian hi.

Psalm Late 75:7

Thukhenpa sia Pathian hi; ama in pawlkhat sia mawsak a, pawlkhat sia suaktasak hi.

Psalm Late 75:8

Topa in a khut sungah hai khat toai in, a thin uukna zu ciik taw kidim hi. Ama in tua zu bungh keak in a seksol theampo in ne uh hi; a mal bo dongin amate in ne siat uh hi.

Paunakte 22:2

A haute le a zawngte in hisia nei khawm hi: Amate nii sia Topa ii vawt khop ahi hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Jeremiah 49:15

Topa in nang hong thazawmsak tu a, kuama in nang hong zakta ngawl tu hi.

Ezekiel 17:24

Ngamsung thingkung theampo in Keima, Topa ka hi sia hong he tu uh hi. Thingkung saangte ka phuk tu a, tuaciang thingkung niamte a saangin ka khangsak tu hi. Thingkung hingte ka vulsak tu a, tuaciang thingkung kote, a hing ka suaksak tu hi. Keima, Topa in son zo khi hi. Vawt tu ka ci sa te ka vawt tu hi,” ci hi.

James 4:10

Topa mai ah noma le noma kiniamkhiak tavun, tua hile ama in hong laamto tu hi.