1 Samuel 2:6 - Syin Chin Bible

⁶ Topa in thatlum a, tuaciang nungtasak kik hi; ama in mihingte sia mithi khua ah puak hi, tuaciangin heakpui kik hi.

1 Samuel 2:6 Iomraidhean Croise

1 Kumpite 17:22

Topa in Elijah ii thungetna zo a; patang sia a hu hong sang kikin hong nungta kik hi.

2 Kumpite 5:7

Israel kumpipa in tua laithak a sim ciangin, thinkiamna taw a puante eaukeak in, “Bangbangin Syria kumpipa in hisia pa damsak thei tu in kei hong um ziam? Nuntakna le thina tungah vaang a nei Pathian vei hong sa ziam? Ama kei taw kihau nuam in hanciam ahi hunlam kician hi!” ci in au hi.

Job 5:18

Pathian in ama liamsuate ii meimate tuamsak hi; a khut taw nang hong nasak a, a khut taw nang hong damsak hi.

Psalm Late 116:3

Thi tu lau huaina sia ka kiimkot ah om hi; thaankuul kiitakhuaina in kei hong neak hi; kei sia launa le thintoina taw ka kidim hi.

Psalm Late 30:4

A thumaan ama ii mihingte theampo awng! Topa tungah pok na lasa vun! A Thiangtho Pa in bang teng seam zo ziam ci in phawk vun a, ama tungah lungdamko vun!

Psalm Late 68:20

Eite Pathian sia hong hunkhia Pathian ahi hi; ama in Topa, eite Topa hi a, thina panin eite hong suatak hi.

Psalm Late 71:20

Ngimna le thuaknate kei tungah nong tungsak zo hi, ahihang nangma in ka tha ka ngal nong dim kik tu a; thaankuul panin nong keam tu hi.

Thuhilsya 3:3

thalup tu hun le damsak tu hun, phelthap tu hun le sakto tu hun ciangtan hi.

Isaiah 26:19

Ka mipui a thisate nungta kik tu uh hi! A pumpi uh nungta kik tu uh hi. Thaan sungah a mute theampo thoto tu a, lungdamin lasa tu uh hi. A tee vasip daaitui in leitung thathak a piak bangin Topa in taanghlai pek a, a thisate nungtasak tu hi.

Ezekiel 37:12

Tua ahikom Israel ka mite tungah Keima, Vaanglianpipa Topa in a thaankhukte ka honsak tu hi ci in kamsaanna pia in. Keima in amate ka lakeak tu a, Israel ngam ah ka pui kik tu hi.

Ezekiel 37:3

Ama in kei tungah, “A thithei mihing awng, hi mithi ngute a nungta kik thei tu ziam?” hong ci hi. Keima in, “Vaanglianpipa Topa awng, nangma bekma in zo thei tu ni hi,” ci in ka zo kik hi.

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

John 11:25

Tua nu munah Jesus in, “Keima in thawkikna le nuntakna ka hi hi. Kei hong um peuma a thi zongin a nungta tu hi;

Thuhil kikna 32:39

“ ‘Keima, keima bekma Pathian ka hi hi; pathian tatak a dang om ngawl hi. Ka thatlum a, nuntakna ka pia hi, ka liamsak a, ka damsak hi, ka nasepte kuama in hong nalh thei ngawl tu hi.

Thupualaakna 1:18

Keima in a nungta pa ka hi hi! Keima sia ka thi zo a, ahihang tu in a tawntung a tawntungin, ka nungta hi. Thina le mithite khua ka uk hi.

1 Samuel 20:3

Ahizong David in, “Kei bangza in hong it na hi sia na pa in tel mama hi, tuaciang na pa in a ngealnate nang hong heaksak ngawl natu khensat zo hi, banghang ziam ci le nasia takin na thinna tu hi. A nungta Topa taw kiciam ngam in kong son nop pan, kei sia ka thi natu kal khat bek in samh hi!” ci in zo hi.